राप्रपा राष्ट्रवादीले यसरी मनायो एकता दिवस
वि.सं.२०७५ पुस २७ शुक्रवार २३:५३
shares

एकीकृत राष्ट्रिय प्रजातन्त्र पार्टी राष्ट्रवादीले राष्ट्रिय एकता दिवस साथ मनाएको छ । उसले पृथ्वी जयन्तीको अवसरमा बालाजु बनस्थलीदेखि बानेश्वर थापागाँउसम्म पदयात्रा र र्याली निकालेको थियो ।
एकीकृत राप्रपा राष्ट्रवादीका अध्यक्ष डा. प्रकाशचन्द्र लोहनीलगायतले राष्ट्र निर्माता पृथ्वीनारायण शाहको शालिकमा माल्यार्पण गरे । सोही पार्टीका सहमहामन्त्री प्रदीपविक्रम राणाको संयोजकत्वमा भएको पदयात्रा तथा र्यालीमा सायैं सर्वसाधारणको उत्साहपूर्ण सहभागीता थियो ।
र्यालीपछि समारोहमा अध्यक्ष लोहनी, सहमहामन्त्री प्रदीप बिक्रम राणालगायतले सम्बोधन गरेका थिए । समारोहमा पृथ्वीनारायण शाहलाई राष्ट्रिय एकताको प्रतिकको रुपमा स्मरण गर्दै राष्ट्रिय झण्डा फहराइएको थियो भने राष्ट्रिय गान र राष्ट्रिय धुन बजाइएको थियो ।

























