सत्तारुढ नेपाल कम्युनिस्ट पार्टी (नेकपा)मा आबद्ध विद्यार्थी संगठन अनेरास्ववियू र अनेरास्ववियू (क्रान्तिकारी)ले विद्यार्थीलाई सहुलियत दरमा खाना पकाउने ग्यास उपलब्ध गराउने सहमति कार्यान्वयन गर्न नेपाल आयल निगमलाई एक हप्ते अल्टिमेटम दिएको छ ।

सहुलियत दरमा खाना पकाउने ग्यास उपलब्ध गराउन विगतमा भएका सहमति कार्यान्वयन गर्न एकहप्ते अल्टिमेटम सहितको पत्र नेपाल आयल निगमका कार्यकारी निर्देशक सुरेन्द्रकुमार पौडेललाई बुझाइएको छ । एक हप्ता भित्र पनि सो माग पूरा नभए कडा आन्दोलनमा जाने अनेरास्ववियू क्रान्तिकारीका अध्यक्ष रञ्जित तामाङले बताए ।

पत्रमा पटक–पटक पेट्रोलियम पदार्थको मूल्यवृद्धि नहुने गरी भ्रष्टाचार नियन्त्रण गर्न पनि निगमको ध्यानाकर्षण गराइएको छ । निगमले भने तत्काल सहुलियत दरमा खाना पकाउने ग्याँस उपलब्ध गराउन नसकिने जनाएको छ ।

प्रकाशित समय : २१:१२ बजे