संघीय संसद्को संयुक्त बैठकमा सरकारको नीति तथा कार्यक्रम प्रस्तुत गरिँदै छ ।

राष्ट्रपति विद्यादेवी भण्डारीले अफराह्न ४ बजे संयुक्त बैठकमा नीति तथा कार्यत्रम प्रस्तुत गर्ने कार्यसूची रहेको संसद सचिवालयले जानकारी दिएको छ । राष्ट्रपतिको करिब एक घण्टा सम्बोधन गर्ने सचिवालयले जनाएको छ ।

नेकपा अध्यक्ष केपी ओलीको नेतृत्वमा सरकार गठनपछि दोस्रोपटक नीति तथा कार्यक्रम प्रस्तुत गर्न लागिएको हो । नीति तथा कार्यक्रममकै आधारमा सरकारले नयाँ आर्थिको वर्षका् बजेट तयार पार्नेछ ।

गत वर्ष नीति तथा कार्यक्रम सार्जजनिक हुनुअघि नै संसदमा प्रि–बजेट छलफल भएको थियो । यसपाली भने सरकारले पुरानो चलनलाई निरन्तरता दिएन ।

प्रमुख प्रतिपक्ष नेपाली कांग्रेसले नीति तथा कार्यक्रमअघि प्रि–बजेट छलफल नगराई सरकारले संसद् छल्न खोजेको आरोप लगाएको छ ।

नीति तथा कार्यक्रम पारित भएपछि मात्र प्रि बजेटमा छलफल हुने संसद् सचिवालयले जनाएको छ । आगामी २४ गतेसम्म नीति तथा कार्यक्रम संसद्बाट पारित हुने सचिवालयको विश्वास छ ।

प्रकाशित समय : १५:०५ बजे