काठमाण्डु– प्रधानमन्त्री बालेन शाह (बालेन) ले आफू कालो चश्मा लगाएरै प्रतिनिधिसभा बैठकमा उपस्थित हुने...

पुरा पढ्नुहाेस्

global ime bank Long Banner Ad

तेहरान संवादको पक्षमा छ तर आत्मसमर्पण गर्ने छैन : राष्ट्रपति पेजेस्कियान

1.45K
shares

इरानका राष्ट्रपति मसूद पेजेस्कियानले आफ्ना अधिकारहरूको रक्षाका लागि संवादलाई प्राथमिकता दिने देशको प्रतिबद्धता दोहो¥याउनुभएको छ । तर संवाद गर्न तयार हुनु भनेको आत्मसमर्पणका लागि तयार हुनु भन्ने नसोच्न पनि उनले चेतावनी दिएको छन्।

पेजेस्कियानले शुक्रबार आफ्नो कार्यालयको वेबसाइटमा प्रकाशित अन्तर्वार्तामा यी कुरा बताएको हुन् ।

उनले संयुक्त राज्य अमेरिकासँग वार्तामा प्रवेश गर्ने र युद्ध समाप्त गर्ने समझदारी पत्रमा हस्ताक्षर गर्ने इरानी सरकारको निर्णयको बचाउ पनि गरेका छन् ।

पेजेस्कियानले भने, “जबसम्म संयुक्त राज्य अमेरिका समझदारी पत्रअन्तर्गत आफ्ना प्रतिबद्धताहरू पूरा गर्छ, इरान आफ्ना दायित्वहरूप्रति प्रतिबद्ध रहन्छ। जहाँ उनीहरूले आफ्नो प्रतिबद्धता पूरा गर्न असफल हुन्छन्, त्यहाँ हामीलाई अगाडि बढ्ने कुनै दायित्व रहनेछैन।”

यस हप्ताको सुरुमा पेजेस्कियानले पदबाट राजीनामा दिने अफवाहलाई अस्वीकार गर्दै भनेका थिए, “उनि ‘दृढतापूर्वक आफ्नो काम जारी राख्नेन्छन।” यी टिप्पणीहरू समझदारी पत्रलाई लिएर इरानको नेतृत्वभित्र ‘विभाजन’ भएको अफवाहका बीच आएका थिए ।

जुन महिनामा इरान र संयुक्त राज्य अमेरिकाले समझदारी पत्रमा हस्ताक्षर गरेका थिए, जसअनुसार दुवै पक्षले अन्तिम सम्झौतामा पुग्न ६० दिनभित्र वार्ता गर्ने तालिका बनाएका थिए। तर दुवै पक्षबीच फेरि तनाव बढेपछि वार्ताको भविष्य अनिश्चित बनेको छ ।रासस