काठमाण्डु– प्रधानमन्त्री बालेन शाह (बालेन) ले आफू कालो चश्मा लगाएरै प्रतिनिधिसभा बैठकमा उपस्थित हुने...

पुरा पढ्नुहाेस्

global ime bank Long Banner Ad

कर्णालीमा सत्ता संकट, कोशीमा गठबन्धन नटुट्ने सरकारको दाबी

2.29K
shares

विराटनगर । कर्णाली प्रदेशमा कांग्रेसका सबै मन्त्रीले मुख्यमन्त्रीसमक्ष राजीनामा दिएपछि कांग्रेस–एमाले गठबन्धनको भविष्यलाई लिएर कोशी प्रदेशमा पनि राजनीतिक चासो बढेको छ । सुदूरपश्चिममा समेत गठबन्धनबीच मतभेद देखिइरहेका बेला कोशी सरकारको निरन्तरताबारे चर्चा सुरु भएको हो ।

कोशी प्रदेश सरकारका आर्थिक मामिला तथा योजना मन्त्री विदुरकुमार लिंथेपले भने प्रदेशको सत्ता समीकरण नटुट्ने दाबी गरेका छन् । नेपाल न्यूज बैंकसँगको कुराकानीमा उनले कोशीमा कांग्रेस–एमालेबीचको सहकार्य यथावत् रहने बताए ।

उनले बहुमतका आधारमा सरकार गठन हुने संवैधानिक व्यवस्था रहेको उल्लेख गर्दै कोशी प्रदेशको वर्तमान गठबन्धनमा कुनै समस्या नरहेको स्पष्ट पारे ।

कोशी प्रदेशमा आलोपालो नेतृत्वको सहमति रहेको दाबी भइरहेका बेला हाल एमाले सचिव हिक्मतकुमार कार्की मुख्यमन्त्री छन् ।

आर्थिक वर्ष २०८३/८४ को बजेटका विषयमा कांग्रेस सांसदहरूले सुरुआती चरणमा असन्तुष्टि जनाए पनि दलहरूबीच सहमति भएपछि बजेट प्रदेशसभाबाट पारित भएको थियो ।