आज नेपाल संवत् ११४६ अनलागा तृतिया, अधिक जेठ कृष्ण तृतिया परेको छ। पञ्चाङ्गअनुसार शुभ योग, वणिज करण तथा पूर्वाषाढा नक्षत्र रहेको छ। रौद्र नाम संवत्सर, ग्रीष्म ऋतु, चन्द्रमा धनु राशिमा तथा सूर्य वृष राशिमा रहेका छन्। आज विश्व साइकल दिवस पनि मनाइँदै छ। नेपालमा आज सूर्योदय बिहान ५:१० बजे र सूर्यास्त साँझ ६:५४ बजे हुनेछ।

शुभ समय र यात्रा

आज कुनै महत्वपूर्ण कार्यका लागि घरबाट बाहिर निस्कँदा दही सेवन गरेर यात्रा गरे शुभ फल प्राप्त हुने विश्वास गरिन्छ। शुभ कार्यको प्रारम्भ वा यात्राका लागि बिहान ५:०९ बजेदेखि ६:५२ बजेसम्म को समय अनुकूल मानिएको छ।

त्यसैगरी, कागती पानी पिएर यात्रा गर्दा पनि शुभ फल प्राप्त हुने जनविश्वास छ। महत्वपूर्ण कार्यको सुरुवात वा शुभ यात्राका लागि बिहान ६:०९ बजेदेखि ९:१९ बजेसम्म को समय शुभ रहेको छ।

उल्लेखित समय नेपालको राष्ट्रिय समयअनुसार हो। स्थान विशेषअनुसार तिथि, नक्षत्र, सूर्योदय–सूर्यास्त तथा शुभ समयमा केही फरक पर्न सक्छ।

मेष

सञ्चार र नेटवर्किङका क्षेत्रमा अलमल हुन सक्छ। खर्चमा सावधानी अपनाउनुहोस्। आफ्नो क्षमता र व्यवहारको सही प्रयोगबाट अवसर प्राप्त गर्न सक्नुहुनेछ।

वृष

सरकारी तथा प्रशासनिक काममा सफलता मिल्नेछ। प्रतिष्ठा र आर्थिक पक्ष बलियो रहनेछ। आत्मविश्वास बढ्ने र पारिवारिक सुख प्राप्त हुने सम्भावना छ।

मिथुन

थकान वा मानसिक द्विविधा बढ्न सक्छ। ठूला निर्णय लिनुभन्दा पहिले राम्रो योजना बनाउनु उपयुक्त हुनेछ। आर्थिक विषयमा सचेत रहनुहोस्।

कर्कट

मित्र तथा सहकर्मीको सहयोग प्राप्त हुनेछ। नयाँ योजना र व्यापारिक काममा प्रगति हुने सम्भावना छ। सम्बन्धमा समझदारी आवश्यक छ।

सिंह

मेहनत र लगनशीलताले सफलता दिलाउने दिन हो। वरिष्ठ व्यक्तिको सहयोग प्राप्त हुनेछ। अध्ययन र परीक्षामा राम्रो परिणाम आउने संकेत छ।

कन्या

भाग्यको साथ मिल्ने दिन हो। धार्मिक तथा आध्यात्मिक कार्यमा रुचि बढ्नेछ। नयाँ अवसर र आम्दानीका स्रोत खुल्न सक्छन्।

तुला

लेनदेन र स्वास्थ्यका विषयमा सावधानी आवश्यक छ। मानसिक तनाव बढ्न सक्छ, त्यसैले धैर्य र संयमता अपनाउनु राम्रो हुनेछ।

वृश्चिक

सहयोग र साझेदारीबाट लाभ प्राप्त हुनेछ। नयाँ कामको सुरुवात तथा सम्बन्ध सुधारका लागि अनुकूल समय छ।

धनु

कार्यस्थलमा सम्मान र प्रगतिको सम्भावना छ। रिस र आवेग नियन्त्रण गर्न सके सफलता प्राप्त हुनेछ।

मकर

शिक्षा, सन्तान तथा सिर्जनात्मक कार्यमा सफलता मिल्नेछ। आजको मेहनतले भविष्यमा राम्रो अवसर प्रदान गर्न सक्छ।

कुम्भ

पारिवारिक वातावरण सकारात्मक रहनेछ। अध्ययन तथा काममा एकाग्रता कायम राख्न प्रयास गर्नुहोस्।

मीन

व्यक्तित्व विकास र पेशागत उन्नतिका लागि राम्रो दिन छ। परीक्षा, अन्तर्वार्ता वा प्रतिस्पर्धात्मक क्षेत्रमा सफलता प्राप्त हुन सक्छ।

प्रकाशित समय : ०६:४० बजे