काठमाण्डु– प्रधानमन्त्री बालेन शाह (बालेन) ले आफू कालो चश्मा लगाएरै प्रतिनिधिसभा बैठकमा उपस्थित हुने...

पुरा पढ्नुहाेस्

global ime bank Long Banner Ad

‘सिपाहीको कलमबाट अङ्क २’ पुस्तकबारे छलफल

3.05K
shares

साहित्यकार उपरथी आशबाहदुर तामाङले रचना गरेको कविता, गीत गजल, लेखको सङ्ग्रह ‘सिपाहीको कलमबाट अङ्क २’ को विषयमा छलफल गरिएको छ ।

शुक्रबार बिजुलीबजारस्थित गीतकार सङ्घ नेपालको सभाहलमा आयोजना गरिएको ‘स्रष्टा र सिर्जना–चर्चा र परिचर्चा’ कार्यक्रममा पुर्व मन्त्री तथा गीतकार एसपी कोइरालाले गीतलाई समृद्ध बनाउन सबै क्षेत्रका मानिसले कलम चलाउनुपर्ने बताए ।

उनले भने,“हल्ला खल्ला गर्न नरुचाउने तथा आफ्नो सिर्जना बोलोस् भन्ने भाव भएको व्यक्तिको रुपमा मैले साहित्यकार तामाङलाई चिनेको छु । गीतसङ्गीत सिर्जना गर्न होस् वा साहित्यका लागि कोमल हृदय चाहिन्छ भनिन्छ तर विभिन्न पेसामा रहेर पनि काम गरिरहेकामध्ये एक उहाँ हुनुहुन्छ । उहाँ पेसाले भूतपूर्व सैनिक भएकाले पनि उहाँका साहित्य सिर्जनामा देशभाव पाइन्छ ।”

साहित्यकार तामाङले आफ्नो आमाबुवामार्फत साहित्यलाई बुझ्ने मौका पाएको बताए । “मैले मेरो अभिभावकबाट साहित्यलाई सिक्न पाएँ, मेरो इच्छा त्यहीँबाट बढेको हुनुपर्छ । म अगाडिको पुस्ता बुवाआमा र मपछिको पुस्ताले साहित्य र सङ्गीतलाई आत्मसात गर्नुभएको छ । आगामी दिनमा म यसलाई निरन्तरता नै दिनेछु”, उनले भने ।

उक्त कार्यक्रममा गीतकार आनन्द अधिकारीले साहित्यकार तामाङको व्यक्तिगत जीवनका बारेमा चर्चा गर्नुभएको थियो भने साहित्यकार बुलु मुकारुङले उहाँको सिर्जनाको विषयमा चर्चा गरे ।