नेपाली बजारमा यो साता सुनको मुल्यमा उतार चढाव देखिएको छ । यद्धपी साताभरमा सुन ताेलामा ९०० रूपैयाँले घटेकाे छ ।

साताको पहिलो दिन आइतबार, प्रतिताेला एक लाख १८ हजार रुपैयाँ ताेकिएकाे थियाे । सुनको मुल्य साताको तेस्रो दिन १ लाख १७ हजार ७०० रूपैयाँमा झरेकाे थियाे । त्यसपछिका दिनमा केही घटेको भए पनि साताको पछिल्लो कारोबार भएको दिन, शुक्रबार सुनकाे भाउ फेरि उकालो लागेर ताेला कै एक लाख १७ हजार १०० रूपैयाँ कायम भयो । यो मुल्य साताको पहिलो दिनको तुलनामा अन्तिम दिन प्रतिताेला ९०० रुपैयाँले कम भएकाे नेपाल सुनचाँदी व्यवसायी महासंघले जनाएकाे छ ।

यो साता नेपाली बजारमा चाँदीको मुल्य भने बढेको छ । आइतबार प्रतिताेला एक हजार ३९० रुपैयाँ रहेको चाँदीको मुल्य फागुनकाे पहिलाे दिन बढेर एक हजार ३९५ रुपैयाँमा काराेबार भएकाे थियाे । यसैगरी, फागुनकाे दाेस्राे दिन चाँदीकाे भाउ सामान्य घटेर प्रतिताेला एक हजार ३६५ रूपैयाँमा झरेकाे थियाे । अन्तिम कारोबार भएको दिन शुक्रबारसम्म बढेर चाँदी प्रतिताेला एक हजार ४१० रूपैयाँ ताेकियाे । यसरी यस साता चाँदी प्रतिताेला २० रूपैयाँले महंगिएकाे छ ।

यो साता विश्व बजारमा सुनको मुल्यमा सामान्य कमी आएको छ । अमेरिकी बजारको आर्थिक क्षेत्रमा देखिएको प्रभावसँगै मुल्यमा सामान्य कमी आएको बिश्लेषकहरुको आँकलन छ ।

विश्व बजारमा शुक्रबार सुनकाे मूल्यमा गिरावट देखियाे । यस दिन सुन प्रति अउन्स २ हजार डलर बराबरमा काराेबार भइरहेकाे छ । शुक्रबारकाे काराेबारमा करिब ३ डलरले सुन सस्तिएकाे देखिएकाे हाे ।

प्रकाशित समय : ०७:५३ बजे