आगामी मङ्सिर १ गते राप्ती नदी दिवस मनाइँदै
मकवानपुरमा मोटरसाइकलको ठक्करबाट प्रहरी जवानको मृत्यु
वि.सं.२०८० पुस १८ बुधवार १०:२९
5.61K
shares
shares
मकवानपुरमा मोटरसाइकलको ठक्करबाट प्रहरी जवानको मृत्यु भएको छ । मृत्यु हुनेमा डडेल्धुरा स्थायी घर भइ हाल बागमती प्रदेश प्रहरी गण हेटौंडामा कार्यरत २५ वर्षीय प्रहरी जवान बिनोद एडी रहेका छन् ।
आज विहानै ६:४० मा हेटौंडा उपमहानगरपालिका-११ थानाभर्याङस्थित पूर्व पश्चिम सडकखण्डमा हेटौडातर्फबाट नवलपुरतर्फ जाँदै गरेको ना.४३ प २२२ नम्बरको मोटरसाइकलले पि.टि. दौडिँदै गरेका एडीलाई ठक्कर दिएको थियो ।
मोटरसाइकलको ठक्करबाट घाइते भएका उनलाई उपचारको लागि हेटौँडा अस्पताल लगिएको थियो। उनको अस्पतालले विहान ७:३० बजे मृत घोषणा गरेको जिल्ला प्रहरी कार्यालय मकवानपुरका प्रवक्ता लक्ष्मी भण्डारीले जानकारी दिए ।
उक्त घटना पश्चात् मोटरसाइकलसमेत अनियन्त्रित भइ पल्टिँदा मोटरसाइकल चालक हेटौडा उपमहानगरपालिका वडा नम्वर ४ हुप्रचौर निवासी ४१ वर्षीय लक्ष्मण लामासमेत गम्भीर घाइते भएका र उनको उपचारको लागि मेडिकल कलेज चितवन लगिएको प्रहरीले जनाएको छ ।
