आज साउन १५ अर्थात खीर खाने दिन । हाम्रो पूर्वीय दर्शन अनुसार विभिन्न पर्वहरु पर्छन् । त्यो पर्वहरुमा विभिन्न परिकारहरु पनि खाने चलन रहेको छ । असारको १५ मा दहि चिउरा, साउन १५ मा खिर, माघे संग्रान्तिमा तरुल, तिलको लड्डु, दशैमा मासु, तिहारमा सेलरोटी खाने चलन छ ।

हाम्रा पर्वहरुले हामीलाई नयाँ नयाँ परिकार खान सिकाएको छ । आज खीर खाने दिन भएकाले आजको दिन खीरको लागि फेमस छ । तपाईहरु मध्ये कतिपयलाई खीर खान मन त लागेको हुन्छ तर बनाउने तरिका थहाँ नभएको पनि हुन सक्छ ।

त्यासो त बजारमा खीर किनेर पनि खान सकिन्छ । त्यसरी किनेर खाएको खीर स्वास्थ्यकर नहुन पनि सक्छ । फेरी आफैले बनाएर खानुको स्वाद पनि बेग्लै नै हुने गर्छ ।

आउनुहोस् आज कुक जगदीश बस्नेतले तपाईलाई खीर कसरी बनाउने भन्ने बारेमा सिकाउने छन् । खीर बनाउनु भन्दा पहिले तपाईलाई केही सामान चाहिने भएकाले त्यो समामानको बारेमा लिष्ट तयार पार्नु होस् ।

के–के चाहिन्छ खिर बनाउन ?
– चामल (बासमती वा ताइचिन) : ५०० ग्राम
– दुध : ४ लिटर
– चिनी : ८० देखि १०० ग्राम वा स्वाद अनुसार
– काजु (टुक्रा पारिएको) : आफुलाई मन पर्ने जति
– नरिवल (टुक्रा पारिएका) : स्वाद अनुसार
– छोकडा (टुक्रा परिएको) : स्वाद अनुसार
– ल्वाङ, सुकुमेल, मरिच गरेर : १० देखि १५ ग्राम
– किसमिस : एक मुठ्ठि जति वा स्वाद अनुसार
– तेजपात : ४–५ पात

बनाउने तरिका
– चामललाई केलाएर सफा पारि पानीले राम्ररी पखाल्ने
– चुलोमा मध्यम तापको आगो बाल्ने ५ लिटर दुध अट्ने भाडोमा बसालने
– सानो आगो बनाएर दुधलाई चलाउदै चलाउदै राम्ररी तात्न दिने
– पखालेको चामललाई उम्लिएको दुधमा हाल्ने
– त्यसलाई सानो आगो बनाएर मजाले चलाउँदै लगभग ५० मिनेट पकाउने, जब सम्म चामल पुरै फुल्दैन तब सम्म पकाउने चलाउँदै
– चिनि, काजु, नरिवल, छोकडाको टुक्रा, किसमिस, (ल्वाङ, सुकुमेल, मचिच)को मसला हाल्ने
– त्यसपछि सानो आगोमा १२–१५ मिनट पकाउने
– यसरी तयार भएको खीरलाई चुलोबाट उतार्ने
– आफुले खान सक्ने अबस्थाको तातो भएपछि खान थाल्ने