कुथेली बुखरी स्मल हाइड्रोपावर लिमिटेडले असार २६ गतेदेखि आज २९ गतेसम्म निष्काशन गरेको आईपीओमा ११ लाखको आवेदन परेको छ ।

सिडिएस एण्ड क्लियरिङ्गका अनुसार आज अन्तिम दिन, शुक्रबार साँझ बजेसम्ममा ११ लाख ८ हजार २३२ जना आवेदकबाट १ अर्ब १८ करोड ९० लाख ६ हजार रुपैयाँ बराबरको १ करोड १८ लाख ९० हजार ६० कित्ता शेयरको लागि आवेदन परेको हो ।
यो सर्वसाधारणको लागि निष्काशन गरेको १ लाख १ हजार १५१ कित्ता शेयरको ११७.५४ गुणा बढी हुन आउँछ ।

कम्पनीले आफ्नो जारी पूँजी १२ करोड १८ लाख ६७ हजार ५०० रुपैयाँको २० प्रतिशत अर्थात २ लाख ४३ हजार ७३५ कित्ता शेयर साधारण शेयर सर्वसाधारणको लागि निष्काशन गर्नेछ । जसमध्ये आयोजना प्रभावित क्षेत्रका स्थानीय बासिन्दाहरुलाई जारी पूँजीको १० प्रतिशत अर्थात १ करोड २१ लख ८६ हजार ८०० रुपैयाँ बराबरको १ लाख २१ ह्जार ८६८ कित्ता, वैदेशिक रोजगारीमा रहेका नेपालीहरुको लागि १ लाख २१ हजार ८६७ कित्ता शेयरको १० प्रतिशत अर्थात १२ लाख १८ हजार ६०० रुपैयाँ बराबरको १२ हजार १८६ कित्ता शेयर गरी कुल १ लाख ३४ हजार ५४ कित्ता शेयर निष्काशन गरी बाँडफाँड समेत गरि सकेको छ ।