कोशी प्रदेशका मुख्यमन्त्री हिक्मतकुमार कार्कीले आफू नेतृत्वको सरकार जोगाउने कोसिसमा समय लिँदा प्रदेशसभाको बिहिबारको बैठक स्थगित गरे । जुन आज फेरि बिहान ११ बजे तोकिएको छ ।

बिहीबार बसेको प्रदेशसभा बैठकमा मुख्यमन्त्री कार्कीले विश्वासको मत लिने प्रस्ताव पेस गरे पनि संसद्को विश्वास नपाउने स्थिति बनेपछि उनकै आग्रहमा सभामुख बाबुराम गौतमले बैठक सारे । विश्वासको मत लिने प्रस्तावमाथि प्रदेशसभामा बिहीबार सत्ता पक्ष–विपक्षमा रहेका दलका नेताहरुले छलफलमा भाग लिएका थिए ।

मुख्यमन्त्री कार्कीकै आग्रहमा दिउँसो पटक(पटक सारिएको बैठक मुख्यमन्त्री र मन्त्रीहरु सभामा नफर्किएपछि बस्न सकेन ।

मुख्यमन्त्री कार्की माओवादी केन्द्र, जसपाले समर्थन फिर्ता लिएपछि अल्पमतमा परेका छन् । मुख्यमन्त्री कार्कीले सुरुमा बिहीबार आधा घण्टा‚ त्यसपछि १ घण्टा हुँदै शुक्रबार दिउँसोसम्मका लागि बैठक स्थगित गर्न आग्रह गरेका थिए ।

उनलाई प्रदेशसभामा एकमत पुग्दैन । विश्वासको मतका लागि ४७ मत चाहिन्छ । तर कार्कीसँग ४६ मतमात्रै छन् । काँग्रेस माओवादीसहितको गठबन्धनमा पछि ४६ मतमात्रै छ । तर सभामुखलाई राजीनामा गराउन लगाएर पनि बहुमतमा पुग्ने र सरकार बनाउने दाउ उनीहरुको छ ।

प्रकाशित समय : ०६:३६ बजे