अस्ट्रेलियामा सन् २०२५ मा आत्महत्याबाट तीन हजार २८३ जनाको मृत्यु
टीआरसी विधेयक अघि बढाउन संसदले विशेष समिति बनाउने
वि.सं.२०८० वैशाख १३ बुधवार ०७:०४
6.47K
shares
shares
संक्रमणकालीन न्याय सम्बन्धी विधेयक अगाडि बढाउन संसदीय विशेष समिति गठन गरिने भएको छ ।
प्रतिनिधिसभाले बुधबार संसदीय विशेष समिति गठन गर्न लागेको हो । संघीय संसद सचिवालयका महासचिव भरतराज गौतमले बुधबार बस्ने प्रतिनिधिसभा बैठकको सम्भावित कार्यसूची सार्वजनिक गरेका छन् । जहाँ विशेष समिति गठन गर्ने उल्लेख छ।
सम्भावित कार्यसूची अनुसार नेपाली कंग्रेसकी सांसद ईश्वरीदेवी न्यौपानेले विशेष समिति गठन गर्ने प्रस्ताव प्रस्तुत गर्नेछन् । उनले विशेष समितिमा रहने सांसदहरुको नाम नै प्रस्ताव गर्नेछिन् । त्यसमा नेकपा एमालेका सांसद रघुजी पन्तले समर्थन जनाउने सम्भावित कार्यसूची छ ।
विशेष समितिमा रहने सांसदहरु भने तय हुन बाँकी छ । बुधबार बिहान छलफल गरेर समितिमा रहने सांसदहरुको टुंगो लगाउने दलहरुको तयारी छ । प्रतिनिधिसभाको बैठक दिउँसो ३ बजेका लागि बोलाइएको छ ।
