बुधबार सेयर बजार मापक ३३.५७ अंकले बढेको छ । आज नेप्से बढेर २०८०.३८ विन्दुमा पुगेको हाे ।

आज ४७ लाख कित्ता सेयर किनबेच हुँदा एक अर्ब ८० करोड रुपैयाँको कारोबार भएको छ । नेप्सेको अनुसार आज सबैभन्दा बढी कारोबार हिमालय डिस्टिलरीकाम सेयरधनीहरुले गरेका छन् ।

सेयर मूल्य सबैभन्दा बढी बढ्ने १० कम्पनीमा ८ वटा नै हाइड्रोपावर रहेका छन् । लिबर्टी इनर्जी कम्पनीको सेयर मूल्य ९.८० प्रतिशतले बढेको छ । त्यस्तै, छ्याङ्ग्दी हाइड्रोेपावर, दोर्दीखोला जल विद्युत कम्पनी, पिपल्स पावरलगायत अन्य कम्पनीको सेयर मूल्य बढेको छ ।

यस्तै, सबैभन्दा बढी सेयर मूल्य गुमाउने १० कम्पनीमा सबै लघुवित्त कम्पनी रहेका छन् । आदर्श लघुवित्तको सेयरमा नकरात्मक सर्किट लागेको छ । त्यस्तै, खप्तड लघुवित्त, उपकार लघुवित्त, सिर्जनशील लघुवित्त, आधिखोला लघुवित्त लगायतका अन्य कम्पनीको सेयर मूल्य घटेको छ ।

आज कारोबारमा आएका १३ वटा समूहगत परिसूचकमध्ये लघुवित्त र म्युचुअल फण्ड समूहको परिसूचक १.३८ र ०.१५ प्रतिशतले घटेको छ भने बाँकी सबै समूहको परिसूचक बढेको छ ।

प्रकाशित समय : १५:२७ बजे