क्रिकेट एसोसियसन अफ नेपाल (क्यान)ले नेपाली राष्ट्रिय क्रिकेट टिमका मुख्य प्रशिक्षक मनोज प्रभाकरले दिएकाे राजीनामा स्वीकृत गरेको छ ।

क्यानले मुख्य प्रशिक्षक प्रभाकरकाे राजीनामा बिहीबार स्वीकार गरेको जनाएको छ । भारतीय प्रशिक्षक प्रभाकरले बिहीबारबाटै लागु हुने गरी राजीनामा दिएका थिए ।

प्रभाकरको प्रशिक्षणमा नेपालले पहिलोपटक टी-२० र एकदिवसीय श्रृंखलाका लागि केन्या भ्रमण गरेको थियो । जहाँ नेपालले टी-२०–२० श्रृंखला ३-२ ले जित्दा एकदिवसीय श्रृंखला भने ‘क्लिन स्वीप’ गरेको थियो । यस्तै, आइसीसी विश्वकप क्रिकेट लिग डिभिजन-२ अन्तर्गत नामिबियामा भएको त्रिदेशीय शृंखला प्रभाकरको प्रशिक्षणमा नेपालले खेलेको अन्तिम क्रिकेट प्रतियोगिता बन्यो । शृंखलामा नामिबिया र स्कटल्यान्डसँग समान दुई खेल खेले पनि नेपाल जितविहीन बनेको थियो ।

तत्कालीन मुख्य प्रशिक्षक पुबुदु दासानायकेले राजीनामा दिएपछि गत साउनमा क्यानले प्रभाकरलाई नियुक्त गरेको थियो । क्यानले प्रभाकरसँग एक वर्षको सम्झौता गरेको थियो ।