सर्वाधिक लोकप्रिय टेक्नोलोजी ब्रान्ड रियलमीले ‘उत्सवको बहार, हरेक दिन उपहार’ क्याम्पेनको विजेताहरु घोषणा गरेको छ । गत असोज १० गतेदेखि गते कात्तिक १४ गतेसम्म सुरु भएको उक्त क्याम्पेनका विजेताहरुलाई यही मंसिर ११ गते पुरस्कार प्रदान गरिएको हो ।

जसअन्तर्गत बुटवलकी सन्ध्या सिंह ठकुरी (गौरा कालिका मोबाइल)ले ६५ इन्चको कोनका ४के टेलिभिजन र बाग्लुङका पूर्ण बहादुर मल्ल (अलिशामोबाइल सेन्टर)ले ७ केजीको वाशिङ मेसिन जित्न सफल भएका छन् । त्यस्तै सामाखुशीका सुजन बस्नेतले (लमजुङ इलेक्ट्रोनिक्स)ले रियलमी ९ ४ जि (८/१२८जीबी) जित्न सफल भए ।

रियलमीले चाडबाडको समयमा आफ्ना उपभोक्ताहरुलाई स्मार्टफोन, टेलिभिजन, वाशिङ मेसिन लगायतका विभिन्न उपहारहरु प्रदान गर्ने अफर ल्याएको थियो । त्यस्तै उक्त अफरमा डेली प्राइजअन्तर्गत कोनका मिक्सर, हिटर, भ्याकुम क्लिनर, राइस कुकर, रियलमी सि ३०(२३२ जीबी) लगायतका उपहारहरु पनि समावेश थिए ।

पुरस्कार विजेताहरुलाई बधाई दिँदै रियलमी नेपालका कन्ट्री हेड मुनिश गिरीले भने, ‘यस रियलमी उत्सवको बहार हरेक दिन उपहारमा सहभागी भएका सम्पूर्ण उपभोक्ताहरुलाई धन्यवाद र बम्पर पुरस्कार जित्न सफल सम्पूर्ण विजेताहरुलाई हार्दिक बधाई दिन चाहन्छु । हामी सँधै हाम्रा उपभोक्ताहरुको लागि सुपथ मुल्यमा र सही समयमा नवीनतम प्रविधिहरु प्रदान गर्न तत्पर छौँ । यसै कारणले गर्दा हामीलाई हाम्रा उपभोक्ताहरुले सदैव माया गरिरहनुभएको छ, साथ दिनुभएको छ । तपाईंहरुको यो माया र विश्वासप्रति हामी सदैव आभारी छौं ।’

रियलमीले नवीनतम प्रविधियुक्त फोनहरु सर्वसुलभ मूल्यमा बजारमा उपलब्ध गराउँदै आएको छ । नेपालीहरुको महान चाड विजयादशमी, दिपावली तथा छठको उपलक्ष्यमा रियलमीले आफ्ना उपभोक्ताहरुको लागि आकर्षक अफर ल्याएको थियो । आफूले खरिद गरेको सेटको मोडल, आइएमईआइ नम्बर, आफ्नो नाम लगायतका विवरणहरु रियलमीको वेबसाइटमा दर्ता गरेका उपभोक्ताहरुलाई यस अफरमा सहभागी गराइएको थियो ।