कतारमा जारी फिफा विश्वकप फुटबलमा जापान कोस्टारिकासँग पराजित भएकाे छ । पहिलाे खेलमा जर्मनीलाई हराएर उत्साहित बनेकाे जापान आज काेस्टारिकासँग स्तब्ध बनेकाे हाे ।

अहमेद बिन अलि स्टेडियममा आइतबार भएको खेलमा कोस्टारिकाले जापानलाई १-० गोल अन्तरले हराएको हो । कोस्टारिकाको जितमा केयशेर फुलेरले ८१औं मिनेटमा निर्णायक गोल गरे ।

याे जितसँगै कोस्टारिकाले नकआउट चरणमा पुग्ने सम्भावना जीवितै राखेको छ । पहिलो खेलमा कोस्टारिका स्पेनसँग पराजित भएको थियो ।

जापानको यो पहिलो हार हो । जापानले पहिलो खेलमा जर्मनीलाई हराएको थियो । जापान २ खेलमा ३ अंक जोडेर दोस्रो स्थानमा रहेको छ ।

प्रकाशित समय : १७:५७ बजे