ज्योति लाइफ इन्स्योरेन्स कम्पनीको पाँचौं वार्षिक साधारण सभा सम्पन्न भएको छ । सभाले मर्जरका लागि तय भएको सेयर स्वाप रेसियोलाई स्वीकृति प्रदान गरेको छ ।

यी दुई कम्पनी १ बराबर ०.८२४५ कित्ता सेयर आदान-प्रदान गर्दै मर्जरमा जान लागेका हुन् । सभाले मर्जर कार्यका लागि आवश्यक सम्पूर्ण जिम्मेवारी सञ्चालन समितिलाई दिने निर्णय पारित गरेको छ ।
त्यसैगरी सभाले सञ्चालक समितिले प्रस्तुत गर्ने आथिर्क वर्ष २०७७/७८ को वार्षिक प्रतिवेदन छलफल गरी पारित गरेको छ ।

आथिर्क वर्ष २०७७/७८ को नाफा, नोक्सान, हिसाब, नगद प्रवाह लगायतका प्रस्ताव पारित गरेको छ । बाह्य लेखापरीक्षक नियुक्ति र निजको पारिश्रमिक निर्धारण गर्ने र वर्तमान लेखापरीक्षक नै नियुक्तिका लागि योग्य हुने प्रस्ताव पारित गरेको छ ।

सभाले मर्जरपश्चात् सूर्यज्योति लाइफ इन्स्योरेन्स कम्पनीको नामाकरण गर्ने प्रस्ताव पारित गरेको छ । त्यस्तै, सभाले मर्जर कार्यसँग सम्बन्धित प्रचलित कानुन, नियम, निर्देशिकाबमोजिम अपनाउनुपर्ने तथा गनुपर्ने सम्पूर्ण कार्यहरु वा प्रकृयामा पूरा गरी अन्तिम स्वीकृति लिने सम्पूर्ण कामको अख्तियारी सञ्चालक समितिलाई दिने प्रस्ताव पारित गरेको छ ।

मर्जरपछि बन्ने कम्पनीको सञ्चालक समितिको अध्यक्ष केशव प्रसाद भट्टराई हुनेछन् । प्रमुख कार्यकारी अधिकृत भने ज्योति लाइफका प्रकाश बिक्रम खत्री हुने सहमति भइसकेको छ भने सूर्याका सीईओ पवन कुमार खड्का वरिष्ठ नायब प्रमुख कार्यकारी अधिकृत हुने कम्पनीले जनाएको छ ।

प्रकाशित समय : १२:५७ बजे