दुई पाङग्रे सवारीसाधन नियन्त्रणमा
कोरियाली सेनामा भर्ना हुँदै बीटीएस ब्यान्डका सदस्य
वि.सं.२०७९ कात्तिक १ मंगलवार १५:३१
10.77K
shares
shares
दक्षिण कोरियाको चर्चित व्यान्ड ग्रुप बीटीएसका सबै सदस्यले चाँडै नै देशको सेनामा भर्ना हुने भएका छन् । दक्षिण कोरियाको नियमअनुसार १८ देखि २८ वर्ष उमेर समूहका सबै युवालाई सेनामा दुई वर्षको तालिम लिन अनिवार्य छ ।
बीटीएसका जति सदस्य छन्, तीमध्ये एकलाई छाडेर बाँकी सबैको उमेर २८ भन्दा कम छ । यही कारण त्यहाँको नियम पालना गर्दै उनीहरू सेनामा भर्ना हुन लागेका हुन् ।
दक्षिण कोरिया एक यस्तो देश हो, जुन देश जहिल्यै वार जोनमा रहन्छ । छिमेकी देश उत्तर कोरियासँग दक्षिण कोरियाको युद्धको डर सधैँ छ । युद्धको अवस्थामा अधिकभन्दा अधिक जनशक्तिको आवश्यकता पर्छ । यही कारण दक्षिण कोरियाली सरकारले १८ देखि २८ वर्षभित्रका युवा वर्गलाई अनिवार्य सेनामा दुई वर्ष सेवा गर्नुपर्ने नियम बनाएको छ ।
ब्यान्डका मेनेजरले हालै एक अन्तर्वार्तामा अब बीटीएस सन् २०२५ को आसपास मात्र श्राेता तथा दर्शकमाझ आउने बताएका थिए ।
