छठको मुख्य दिन आज : अस्ताउँदो सूर्यलाई अघ्र्य दिन व्रतालुको तयारी
किसानको दैनिकी खेतमै (फोटोफिचर)
वि.सं.२०७९ असोज २९ शनिवार १७:२३
16.04K
shares
shares
मंसिर लाग्नै लाग्दा किसान पनि धान भित्र्याउने चटारोमा छन् । दसैं मनाइवरी अहिले किसानको दैनिकी खेतमै बित्ने गरेको छ । दसैँको रमझम सकिएलगत्तै भक्तपुरको चाँगुनारायणका किसान पनि धान भित्र्याउनमै व्यस्त छन् । प्रमुख बाली धान पाकेसँगै नेपाली किसान धान काट्न, चुट्न तथा थन्क्याउन व्यस्त भएका हुन् ।
मनसुन लम्बिएर भएको लगातारको वर्षाले धान भिजाएपछि काट्न भने केही समस्या भएको छ । अर्थात् यसपालि मनसुन ढिलासम्म रहेकाले पनि किसानले समयमै धान भित्र्याउन पाएनन् । मौसमले साथ नदिए पनि किसानले ओभानो ठाउँको धान उठाउन थालेका छन् । मानोबाट मुरी भित्र्याउने बेला झरी पर्दा खेतमा धान लत्रिएको हुँदा किसानलाई केही अफ्ठ्यारो भने पक्कै भएको छ । यद्यपि यस वर्ष समयमै वर्षा भएका कारण धानको उत्पादन बढ्ने अनुमान छ ।
