सत्ता गठबन्धनका शीर्ष नेताहरूको बैठक शुक्रबार पनि निष्कर्षविहीन बनेपछि सहमति जुट्न सकेको छैन । आगामी निर्वाचनमा चुनावी तालमेल गरेका गठबन्धन दलहरुबीच सिट बाँडफाँटबारे महिनौँदेखि सहमति गर्ने प्रयास भइरहेको छ । तर, सहमति जुटेको छैन ।

शनिबार बिहान ११ बजेपछि पुनः छलफल गर्ने गरी तयारी भएको एक नेताले बताए ।
गठबन्धन दलले २० साउनमै आगामी निर्वाचनमा चुनावी तालमेल गर्ने सहमति गरेका थिए । त्यही बेला कांग्रेसका नेता कृष्णप्रसाद सिटौलाको संयोजकत्वमा ११ सदस्यीय कार्यदल बनाएर सिट बाँडफाँटको छलफल थालेका थिए । तर, अहिलेसम्म पनि गठबन्धनमा सिट बाँडफाँटको टुंगो लाग्न सकेको छैन ।

नेताहरूले करिब एक सय सिटमा दलहरूको एकल दाबी रहेको र त्यसबाहेकका सिटमा एकभन्दा धेरै दलको दाबी हुँदा समस्या रहेको बताएका छन् । दलहरू प्रतिनिधिसभाका १६५ र प्रदेशसभाका ३३० वटै निर्वाचनमा गठबन्धन गर्ने प्रयासमा छन् ।

प्रकाशित समय : १०:१४ बजे