बंगलादेशले आगामी सन् २०२४ मा महिलाको टी–२० विश्वकप आयोजना गर्ने भएको छ । साथै इंग्ल्यान्डले सो खेलकुद सन् २०२६ मा आयोजना गर्ने भएको अन्तर्राष्ट्रिय क्रिकेट काउन्सिलले घोषणा गरेको छ ।

साथै भारतले सन् २०२५ मा एकदिवसीय महिलाको विश्वकप क्रिकेट आयोजना गर्ने भएको घोषणा पनि सो काउन्सिलले गरेको छ । मंगलबार आइसीसीले प्रकाशन गरेको विज्ञप्तिमा भारतले सन् २०१३ पछि पहिलो पटक यो क्रिकेट प्रतियोगिताको आयोजना गर्ने भएको बताइएको छ ।

त्यसैगरी आइसीसीले श्रीलंकाले सन् २०२७ मा महिला टी–२० च्याम्पियन ट्रफिको आयोजना गर्ने भएको हो । आइसीसी बोर्डले प्रतिस्पर्धाका आधारमा ती प्रतियोगिताहरुको आयोजना गर्न दिने गरी छनोट गरेको समाचारमा जनाइएको छ ।

प्रकाशित समय : १७:४२ बजे