आजका लागि तोकियो विदेशी मुद्राको विनिमयदर
महिला साफ नेपालमा आयोजना गर्ने निर्णय
वि.सं.२०७९ असार १९ आइतवार ०१:०६
12.18K
shares
shares
महिला साफ च्याम्पियनसिप नेपालमा आयोजना हुने भएको छ । बंगलादेशको ढाकामा शनिबार बसेको दक्षिण एसियाली फुटबल महासंघ (साफ)को कार्यकारी समितिको बैठकले साफ च्याम्पियनसिप नेपालमा गर्ने निर्णय गरेको हो ।
साफ च्याम्पियनसिप भदौ १३ देखि २५ सम्म आयोजना हुनेछ । अखिल नेपाल फुटबल संघ (एन्फा)का महासचिव किरण राईले महिला साफ आयोजनाका लागि प्रस्ताव पेश गरेका थिए । उक्त प्रस्तावलाई समितिले अनुमोदन गरेको हो ।
नेपालले यसअघि पाँचौं संस्करणको महिला साफ आयोजना गरेको थियो । विराटनगरमा आयोजना भएको साफमा भारतले नेपाललाई पराजति गर्दै उपाधि जितेको थियो ।
यस्तै, यु १७ साफ च्याम्पियनसिप भदौ २० देखि ३१ गतेसम्म श्रीलंकामा हुने तय भएको साफले जानकारी दिएको छ । साफको कांग्रेसले काजी मोहम्मद सलाहुद्दिनलाई दक्षिण एसियाली फुटबल महासंघको अध्यक्षमा निर्विरोध निर्वाचित गरेको छ ।
