वनमन्त्री चौधरी टर्किए प्रस्थान
लिग टु क्रिकेट : नेपालले आज अमेरिकासँग खेल्ने
वि.सं.२०७९ जेठ २८ शनिवार १५:२१
11.36K
shares
shares
अमेरिकामा भइरहेको नेपाल, अमेरिका र ओमान सम्मिलित क्रिकेट विश्वकप लिग टु अन्तर्गत नेपालले आज घरेलु टोली अमेरिकासँग प्रतिस्पर्धा गर्दैछ । खेल पर्लल्याण्डस्थित मोसा क्रिकेट मैदानमा नेपाली समय अनुसार राति सवा ९ बजे सुरु हुनेछ ।
शृंखलामा दुवैले एक एक खेल खेलिसकेका छन् तर फरक नतिजा निकालेका थिए । नेपाल पहिलो खेलमा ओमानसँग १३ रनले पराजित भएको थियो । अमेरिकाले भने पहिलो खेलमा ओमानमाथि फराकिलो जित निकालेको थियो ।
अमेरिका पहिलो खेलको लयलाई कायम राख्ने लक्ष्यमा रहँदा नेपालमा भने जितको खोजीमा हुनेछ । अमेरिकाले पहिलो खेलमा ओमानविरुद्ध तीन सय भन्दा बढी रन बनाएर ११४ रनको जित निकालेको थियो । नेपालले भने ब्याटिङमा सम्हालिन नसक्दा ओमानले दिएको २१२ रनको लक्ष्यसमेत पूरा गर्न सकेन ।
अमेरिकाविरुद्ध खेल्दा नेपालले ओपनिङदेखि नै ब्याटिङमा सुधार गर्नुपर्ने आवश्यकता छ ।
