अन्तरप्रदेश मुख्यमन्त्री सम्मेलनको सम्पूर्ण तयारी पूरा, सङ्घीयता सुदृढीकरणका विषयमा छलफल गरिनेदोहोरो अंकले घट्यो नेप्से
वि.सं.२०७९ जेठ २३ सोमवार २१:५०
7.49K
shares
shares
साताको पहिलो कारोबार दिन आज सेयरबजारमा गिरावट आएको छ । नेपाल स्टक एक्सचेन्जका अनुसार बजार परिसूचक नेप्से १२.९२ अंकले र सेन्सिटिभ सूचक ३.१२ अंकले घटेको हो ।
आज घटेसँगै परिसूचक २०६५.७८ विन्दुमा आएको छ । सोमबारको कारोबारमा २ सय २८ कम्पनीको सेयर सामेल भएकामा ४४ लाख कित्ता बिक्री भएको नेप्सेले जनाएको छ । यो भनेको १ अर्ब २७ करोड ३३ लाख रुपैयाँको कारोबार हो ।
आज १३ मध्ये विकास बैंक, उत्पादन, अन्य र सामूहिक लगानी कोषको सूचक हरियो भए पनि बाँकी राताम्य छन् । बैंकिङ समूहको उपसूचक आज १.३२ प्रतिशतले घटेको छ भने व्यापार समूहको ०.१ प्रतिशतले, होटल तथा पर्यटन समूहको ०.०५ प्रतिशतले, हाइड्रोपावर समूहको ०.२१ प्रतिशतले निर्जीवन बिमा ०.५८ प्रतिशतले, जीवन बिमा २.०१ प्रतिशतले र व्यापार समूह ०.३१ प्रतिशतले घट्न पुगेको छ ।
आज उपकार लघुवित्त र बलेफी हाइड्रोका लगानीकर्ताले १० प्रतिशत कमाएका छन् । त्यस्तै हिमालयन बैंकका सेयरधनीले १० प्रतिशत गुमाएका छन् ।
