अविश्वासको प्रस्ताव संसदबाट पास भएपछि पाकिस्तानी प्रधानमन्त्री इमरान खान जिम्मेवारी मुक्त भएका छन् । गएराति संसदमा भएको भोटिङमा अविश्वासको प्रस्तावको पक्षमा ३४२ मध्ये १७४ मत प्राप्त भएपछि इमरान खानको प्रधानमन्त्री पद गुमेको हो ।

पूर्वराष्ट्रिय क्रिकेटर समेत रहेका खान सन् २०१८ को अगष्टमा पाकिस्तानको प्रधानमन्त्री बनेका थिए ।

विपक्षी दलहरुले उच्च महँगी र सुशासनलाई प्रमुख मुद्दा बनाएर सरकारविरुद्ध अविश्वास प्रस्ताव ल्याएका थिए । अल्पमतमा परेपछि खानले गरेको संसद विघटनलाई अदालतले पुनस्थापना गरिदिएको थियो । त्यसपछि गएराति संसदमा अविश्वास प्रस्तावको पक्ष र विपक्षमा भोटिङ भएको थियो ।

प्रकाशित समय : १३:३४ बजे