नेपालको पहिलो बैंक नेपाल बैंक लिमिटेड र अनलाइन सपिङ पोर्टल दराजबीच बैंकमा खाता रहेका ग्राहकहरुलाई नेपाली नयाँ वर्षको अवसरमा छुट प्रदान गर्ने सम्झौता भएको छ । जसअनुसार अनलाइन सपिङ पोर्टल दराज केयमु प्रालिमार्फत खरिद गर्दा नेपाल बैंकका ग्राहकले विशेष छुट पाउने भएका छन् ।

सम्झौता पत्रमा बैंकको तर्फबाट प्रमुख कार्यकारी अधिकृत कृष्ण बहादुर अधिकारी र दराजको तर्फबाट प्रबन्ध निर्देशक आँचल कुँवरले हस्ताक्षर गरेका छन् । यो योजना २०७८ चैत्र २८ देखि लागू हुनेछ । बैंकका अनुसार नेपाल बैंकले आफ्ना ग्राहकहरुलाई छुट प्रदान गर्न ई-कमर्स प्लेटफर्मसँग साझेदारी गरेको यो पहिलो हो ।

नेपाल बैंकमा कार्यरत कर्मचारी र बैंकमा खाता रहेका ग्राहकहरुले दराजद्वारा अनलाइन सामान खरिद गर्दा डेबिट कार्डको माध्यममार्फत अग्रिम भुक्तानीमा अधिकतम १० प्रतिशत वा १ हजार रूपैयाँसम्मको छुट र क्रेडिट कार्डको माध्यममार्फत अग्रिम भुक्तानीमा अधिकतम १५ प्रतिशत वा १ हजार पाँच सय रूपैयाँसम्मको छुट प्राप्त गर्न सक्नेछन् ।

उक्त छुट प्राप्त गर्नको लागि ग्राहकहरुले आफ्नो कार्डमा ई-कमर्स सक्रिय गर्नुपर्छ । त्यसका लागि ग्राहकहरुले नेपाल बैंकको शाखाहरूमा सम्पर्क गर्नुपर्ने जनाइएका छ ।

प्रकाशित समय : २२:१५ बजे