नेपालका लागि सुजुकी कारको आधिकारिक विक्रेता तथा सीजी होल्डिङको अटोमोटिभ डिभिजन सीजी मोटोकर्पले नयाँ वर्षका लागि आकर्षक ग्राहक योजना ‘सुजुकी ह्यापी न्यू कार’ सार्वजनिक गरेको छ । यो योजनाअन्तर्गत ग्राहकले दुई लाख रुपैयाँसम्म बराबरको नगद छुट, एक लाख पच्चिस हजार रुपैयाँसम्म एक्सचेन्ज बोनस, एक वर्षको सवारी बीमा र स्क्र्याच कार्ड मार्फत ७५ हजार रुपैयाँसम्म अतिरिक्त छुट पाउने कम्पनीले जनाएको छ।

‘सुजुकी ह्यापी न्यू कार’ योजना नेपालभर रहेका सुजुकी गाडीका ३८ वटै सोरूममा लागू हुनेछ । सुजुकीका विभिन्न मोडेलका कार बमोजिम फरक-फरक हिसाबका छुट लागू हुने समेत कम्पनीद्वारा जारी विज्ञप्तिमा उल्लेख गरिएको छ । यो योजना सिमित अवधिका लागि मात्र जारी गरिएको हो ।

सुजुकी ब्रान्डले नेपाली बजारमा एस्प्रेसो, वागेन आर, सेलेरिओ, इग्निस, स्विफ्ट, बलेनो, डिजाएर, सिआज, ब्रेज्जा, एस्क्रस, एर्टिगा, एक्सएल सिक्स, इको, इको कार्गो र सुपर क्यारी गरी नेपालमा विभिन्न मोडलको गाडी बिक्री गर्दैछ ।

प्रकाशित समय : १९:५५ बजे