एनपीएलकाे दाेस्राे अर्धशतक दीपेन्द्रकाे नाममा
बम बिष्फोट हुँदा इटहरीमा दुई युवा घाइते
वि.सं.२०७८ चैत १५ मंगलवार १५:२४
20.6K
shares
shares
इटहरीमा बम बिष्फोट हुँदा दुई जना युवा घाइते भएका छन् । इटहरी उपमहानगरपालिका २ स्थित नवजागृति टोलको एक घरमा सोमबार बेलुकी पौने ११ बजेतिर सुतली बम विष्फोट भएको हो ।
२२ वर्षका रविन थापा नाम गरेका युवा बस्दै आएको कोठामा बिष्फोट हुँदा उनीसहित लम्जुङ घर भएका २३ वर्षीय शेरजङ गुरूङ घाइते भएका हुन् । गुरूङ दुई सातादेखि थापाको कोठामा बस्दै आएको प्रहरी जनाएको छ ।
झोलामा राखिएको सुतली बम बिष्फोट भएको प्रहरीको अनुमान छ । बम बिष्फोट भएको थापाको डेराबाट प्रहरीले हिमाल सुरक्षा परिषदको पर्चा बरामद गरेको छ ।
गत फागुनदेखि यो परिषदले सशस्त्र संघर्ष थालेको बताएको थियो ।
