इलाममा असिना पानीले पाक्न लागेको धानबालीमा क्षति
छ्याङदी हाइड्रोपावरको लिलामी सेयरमा आवेदन गर्ने आज अन्तिम
वि.सं.२०७८ चैत ९ बुधवार १६:१०
13.06K
shares
shares
छ्याङदी हाइड्रोपावरको ५९ हजार ८२७ कित्ता लिलामी सेयरमा आवेदन गर्ने आज अन्तिम दिन रहेको छ ।
लगानीकर्ताले आज (चैत ९ गते बुधबार) कार्यालय समयभित्र शिलबन्दी बोलपत्र बुझाउन सक्नेछन् । न्यूनतम १०० रुपैयाँलाई आधार मानेर प्रतिस्पर्धी मूल्यमा लिलामी खुला गरिएको सबै कित्ता माग गर्न सकिनेछ ।
लगानीकर्ताले काठमाडौँबाट बिक्री प्रबन्धक ग्लोबल आइएमई क्यापिटल नक्साल, ग्लोबल आइएमई बैंकको विर्तामोड, विराटनगर, जनकपुर, वीरगञ्ज, हेटौडा, नारायणगढ, पोखरा र बुटवल, बाग्लुङ, नेपालगञ्ज, सुर्खेत, दाङ, धनगढी र महेन्द्रनगर शाखाबाट पनि शिलबन्दी बोलपत्र बुझाउन सक्नेछन् ।
कम्पनीले चैत १ गतेबाट ५९ हजार ८२७ कित्ता सेयर लिलामी बिक्री खुला गरेको हो । कम्पनीको धितोपत्रको बिक्री प्रबन्धक ग्लोबल आइएमई क्यापिटल नक्साल रहेको छ । कम्पनीको सेयर मंगलबार धितोपत्रको दोस्रो बजारमा प्रतिकित्ता ४५८ रुपैयाँमा अन्तिम पटक कारोबार भएको छ ।
