आगामी स्थानीय तहको चुनावलाई लक्षित गर्दै म्यादी प्रहरीका लागि भर्ना खुल्ला गरिएको छ । चैत ६ गतेदेखि ११ गतेसम्म दरखास्त दिन सकिने प्रहरी प्रधान कार्यालयले जनाएको छ । सबै जिल्ला प्रहरी कार्यालय र उपत्यकाको हकमा तीन वटै परिसरबाट दरखास्त दिन सकिने मंगलबार जारी सूचनामा उल्लेख छ ।

सूचनाअनुसार दरखास्त दिनेहरु १८ वर्ष पूरा भएको र ५४ वर्ष ननाघेको हुनुपर्ने छ । उनीहरूले ४० दिनको सेवा सुविधा पाउनेछन् । म्यादी प्रहरीले तलबबाहेक रासन र पोशाकवापतको रकम पनि पाउनेछन् । सबै सुविधाको रकम जोड्दा ४४ हजार ४४० रुपैयाँ उनीहरूले पाउने देखिन्छ । म्यादी प्रहरीमा भर्ना हुनका लागि सबै जिल्ला प्रहरी कार्यालयमा आवेदन दिन सकिने छ ।

सूचना :

प्रकाशित समय : ००:४६ बजे