कोकाकोलाले कोभिड-१९ महामारीमा फ्रन्टलाइनमा बसेर काम गर्ने सम्पूर्ण कर्मचारीहरुप्रति समर्पित अन-ग्राउन्ड एक्टिभेसन सम्पन्न गरेको छ । महामारीमा अनवरत सेवामा खटिने कर्मचारीहरुप्रति कृतज्ञता ज्ञापन गर्ने मुख्य उद्देश्यले कोकाकोलाले सञ्चालन गरेको एक्टिभेसन कार्यक्रम सन् २०२१ को दसैं अभियानअन्तर्गत धन्यवाद शीर्षकको एक हिस्सा रहेको बताइएको छ ।

उक्त अन-ग्राउन्ड एक्टिभेसन कार्यक्रमका क्रममा कोकाकोलाले बीपी कोइराला स्वास्थ्य विज्ञान प्रतिष्ठान (धरान), स्टार अस्पताल (काठमाडौं) र ह्याम्स अस्पताल (काठमाडौं)लगायत नेपालका प्रमुख पाँच कोभिड अस्पतालहरुसँग आवद्ध भएको जनाएको छ । यस्तै गरी एम्बुलेन्स सेवा प्रदायक 'नेपाल एम्बुलेन्स सेवा', 'वुमन फर ह्युमन राइट्स' र क्रिएसन इनको सञ्जालअन्तर्गत फोहोर व्यवस्थापनमा संलग्न कामदारहरुका साथै अन्य १३ गैरसरकारी संस्थाहरुसँग कोकाकोलाले सहकार्य गरेको थियो ।

यस अभियानमा कोकाकोलाले अग्रपंक्तिमा रहेर काम गर्ने सेवा प्रदायकहरुलाई उपहारको रुपमा उनीहरुको नाम छापिएको कोकको बोटल र कोकाकोला कन्टोर ग्लास भएको पर्सनलाइज्ड धन्यवाद गिफ्ट बक्स प्रदान गरेको जनाएको छ । 'यो वर्षको दसैंमा हामीले सम्पूर्ण फ्रन्टलाइन हिरोहरुलाई हृदयदेखि नै आभार व्यक्त गर्ने एउटा सानो प्रयासस्वरुप धन्यवाद अन-ग्राउन्ड एक्टिभेसन सन्चालन गर्‍यौं । महामारीमा पनि हामी र हाम्रो समुदायको सुरक्षाको लागि वहाँहरुले गर्नुभएको अनवरत परिश्रमलाई हामी सम्मान गर्दछौं,' कोकाकोला नेपालका कन्ट्री डाइरेक्टर आदर्श अवस्थीले भने ।

कठिन समयमा साथ दिने साथी/नातेदारलाई 'धन्यवाद' लेखिएको कोकको बोटलको साथमा आभार व्यक्त गर्न आफ्नो उपभोक्तालाई हौसला र प्रोत्साहन दिने उद्देश्यको साथ कोकाकोलाले गत सेप्टेम्बरमा धन्यवाद शीर्षक दसैं क्याम्पेन ल्याएको थियो । आमा, बुवा, दाजु, भाई, दिदी, बहिनी, साथी र सेवाकर्मी गरी आठवटा सम्बन्धहरुका लागि 'धन्यवाद' लेखिएको नयाँ कोकको बोटल पनि बजारमा ल्याएको थियो ।

प्रकाशित समय : १८:३९ बजे