सुनको मूल्यमा एकैदिन १६ सय रुपैयाँको गिरावट आएको छ । मंगलबार सुन प्रतितोला ९२ हजार ३ सय रुपैयाँमा काराेबार भइरहेकाे छ । गत आइतबारका तुलनामा २ सय बढेर सोमबार ९३ हजार ९ सय रुपैयाँमा सुन कारोबार भएको थियो ।

यसअघि गत शुक्रबारका तुलनामा ७ सयको गिरावट आउँदा आइतबार प्रतितोला ९३ हजार ७ सय रुपैयाँ थियो । त्यस्तै चाँदीको मूल्य मंगलबार १५ रुपैयाँ घटेर १२ सय ५५ भएको छ । सोमबार प्रतितोला चाँदीकाे मूल्य १२ सय ७० र आइतबार १२ सय ६० रुपैयाँ थियो ।

प्रकाशित समय : १७:३१ बजे