प्रधानमन्त्रीसमेत रहेको कांग्रेसका सभापति शेरबहादुर देउवा पार्टीको १४औं महाधिवेशनका लागि शतप्रतिशत मतका साथ महाधिवेशन प्रतिनिधिमा चयन भएका छन् । 

गृहजिल्ला डडेल्धुरामा भएको सातौं जिल्ला अधिवेशनबाट उनी सर्वसम्मत रूपमा महाधिवेशन प्रतिनिधि चुनिएका हुन् । महाधिवेशन प्रतिनिधिको निर्वाचनका लागि मतपत्रको १९ नम्बरमा नाम थियो । तर देउवाको नाममा रेजा लगाइएको थियो । देउवा शतप्रतिशत मतसहित महाधिवेशन प्रतिनिधि चयन भएको निर्वाचन अधिकृत लोकेन्द्रबहादुर बमले बताए ।
देउवालाई विगतमा पनि डडेल्धुराबाट यसरी नै महाधिवेशन प्रतिनिधिमा ल्याउने गरिएको छ ।

त्यस्तै देउवाकी पत्नीसमेत रहेकी काँग्रेस नेतृ आरजु राणा सर्वसम्मत रूपमै महाधिवेशन प्रतिनिधिमा चयन भएकी छन् । 

प्रकाशित समय : १५:३६ बजे