गृहपृष्ठ दाङमा यात्रुबाहक बस दुर्घटना हुँदा २९ घाइते
दाङमा यात्रुबाहक बस दुर्घटना हुँदा २९ घाइते
दाङमा यात्रुबहाक बस दुर्घटना हुँदा २९ जना घाइते भएका छन् । वडा प्रहरी कार्यालय लमहीका अनुसार सुर्खेतबाट काठमाडौँ जाँदै गरेको कर्णाली प्रदेश००-००१ख०२१९ नम्बरको बस लमही नगरपालिका-३, नारायणपुरमा दुर्घटना हुँदा २९ जना यात्रु घाइते भएका हुन् । उनीहरुको अवस्था सामान्य रहेको छ ।
आइतबार बिहान पौने २ बजेतिर बसको पट्टा भाँचिएर दुर्घटनामा परेको हो । घाइतेहरूको लमही अस्पतालमा उपचार भइरहेको छ भने सात जना घाइतेको थप उपचारका लागि कोहलपुर रिफर गरिएको प्रहरीले जनाएको छ । घाइतेहरूको नाम ठेगाना भने खुल्न बाँकी रहेको छ । बस चालकलाई प्रहरीले नियन्त्रणमा लिएकाे छ ।
प्रकाशित समय : १४:१३ बजे
