फिफा वरियताकाे शीर्ष स्थानमा रहेको बेल्जियम आउँदो वर्ष हुने विश्वकप फुटबलमा स्थान बनाउन सफल भएको छ । युरोपियन क्षेत्रको छनौट चरणअन्तर्गत शनिबार राति भएको खेलमा इस्टोनियालाई ३-१ ले पराजित गर्दै बेल्जियमले कतार विश्वकपमा स्थान पक्का गरेकाे हो ।

समूह 'ई'मा रहेको बेल्जियमले घरेलु मैदानमा भएको खेलमा जित निकाल्ने क्रममा ११औँ मिनेटमा क्रिष्टियन बेन्टेक, ५३औँ मिनेटमा यानिक कारास्को र ७४औँ मिनेटमा थोर्गन हजार्डले गोल गरेका हुन् । इस्टोनियाका लागि ७०औँ मिनेटमा एरिक सोर्गाले सान्त्वना गोल गरे । जितपछि बेल्जियमको सात खेलबाट १९ अंक भएको छ ।

प्रकाशित समय : १४:२१ बजे