रियलमीले बुधबार औपचारिक रुपमा नेपालमा 'रियलमी जिटी नियो २' सार्वजनिक गरेको छ । जसको मूल्य ५४ हजार १९९ रूपैयाँ रहेको कम्पनीले जनाइएको छ । जसमा ८/१२८ जीबी स्टोरेज रहनेछ ।

लोकप्रिय फ्लागसिप किलर रियलमी जिटी लाइनअपमै आधारित यस नियो फ्लागसिप किलर रियलमी जिटी नियो २ धेरै स्मार्टफोन चलाउने प्रयोगकर्ताहरुको लागि बनाइएको कम्पनीले जानकारी दिएको छ । जसमा प्राविधिक नवीनताका साथै सुन्दर डिजाइन देख्न सकिने कम्पनीले उल्लेख गरेको छ । कम्पनीका अनुसार सुरुका ग्राहकहरुले तोकिएको भन्दा ३ हजार  कम मूल्य ५१ हजार १९९ मा यो मोवाइल फोन खरीद गर्न पाउनेछन् । रियलमी जिटी नियो २ लाई क्वालकम स्नापड्रागन 870 5G को मोबाइल प्लाटफर्मले पावर गरेको छ । यसको लम्बाइ १६२.९ mm, चौडाइ ७७५.६ mm र उचाइ ८.६ mm रहेको छ । क्वालकम स्नापड्रागन ले प्रयोगकर्तालाई सन्तुलितप्रदर्शन सँगै स्थिरताको अनुभव प्रदान गर्दछ ।

थर्मल जेलले यस फोनलाई शितल राख्दछ । रियलमीको इतिहासमै पहिलो पटक रियलमी जिटी नियो २ मा ८ तहका तीन आयामको तापक्रम नियन्त्रण गर्ने ४१२९ mm क्षेत्रफलमा बाफलाई चिस्याउने खिया नलाग्ने स्टिलको संरचना रहेको छ । चिस्यान क्षमतालाई विचार गर्दा यसले मूलधारको गेमहरु खेल्न निकै सहयोग गर्नेछ । एप्लिकेसनहरु र गेमहरु छिटो लोड हुन्छ । ५००० एमएएच् ब्याट्रीले फोनको बनावटलार्ई समर्थन गर्दछ जसले गर्दा बिना दबाब ब्याट्रीको लाइफ लम्बाइदिन्छ । यसको ब्याट्रीले 65W सुपरडार्ट चार्जिङलाई सपोर्ट गर्ने हुनाले मात्र ३६ मिनेटमा फोन चार्ज हुन्छ । एक पटकको चार्जमा प्रयोगकर्ताले ३३ घण्टा टकटाइम, ८८ घण्टा संगीत, ८ घण्टा गेम र २५ घण्टा भिडियोको मज्जा लिन सक्नेछन् ।

यसमा रहेको ट्रिपल क्यामेराले स्पष्ट फोटोहरु खिच्छ । रियलमीकोको स्मार्टफोनमा E4 डिस्प्ले रहेको छ । जसले अचम्मित पार्ने उत्कृष्ट डिस्प्ले प्रदान गर्दछ । यसैगरी 500000:1 contrast ratio  ले अधिकतम १३०० नीटसम्मको ब्राइटनेस दिन्छ । नियो जिटीको डिजाइन रियलमी जिटी लाइनअपकै महत्वपूर्ण हाइलाइट हो । यसको नियो ग्रीन रङ प्रविधि र शक्तिको बेजोड संगम हो । नेपालका प्रयोगकर्तालाई अचम्मित पार्न सक्ने नवीन प्रविधि र सुन्दर डिजाइन रियलमी जिटी नियो २ मा पाउन सकिने कम्पनीको दाबी छ ।

रियलमी जीटी नियो २ कार्तिक २५ देखि दराज अनलाइनमा उपलब्ध हुने कम्पनीले जनाइएको छ । इच्छुक ग्राहकले उक्त स्मार्टफोनमा ५१ हजार १९९ को सुरुवाती मूल्यमा अग्रीम बुकिङ गर्न र दराजको ११.११ का सुविधाहरु प्राप्त गर्न सक्नेछन् । यस सुविधाअन्तर्गत कार्तिक २८ देखि भउचर तथा बैँकिङ छुटमा वितरण सुरु हुनेछ। अफलाइन ग्राहकले कार्तिक २७ देखि अग्रिम बुकिङ गर्न सक्नेछन् । रियलमी नियो जिटी २ नियो ब्लाक र नियो ग्रीन गरी २ रङमा उपलब्ध हुने कम्पनीले उल्लेख गरेको छ ।

प्रकाशित समय : १६:२५ बजे