ग्लोकल प्रालिले हरेक वर्ष आयोजना गर्दै आएको ‘वाइ वाइ ग्लोकल टिन हिरो’ को सातौं संस्करणका लागि ग्लोकल २० अन्डर २० तथा अन्तिम ६ प्रतिस्पर्धीको घोषणा भइसकेको छ । यिनै प्रतिभावान किशोरकिशोरीहरुका लागि ५ दिने लामो क्षमता निर्माण कार्यशाला सञ्चालन भइरहेको छ ।

उक्त कार्यशालाको मुख्य उद्देश्य एक अन्तरक्रियाको वातावरण प्रदान गर्न, किशोरकिशोरीहरुको व्यक्तिगत वृद्धिमा सहयोग गर्न एवं नेटवर्किङको बढावा गर्न सञ्चालन भइरहेको छ । देशभरीका प्रतिभावान किशोर किशोरीहरुलाई एकै साथ ल्याउन यस वर्ष ग्लोकल टीन हिरो नेपाल २०२१ को रणनीतिक साझेदारको रूपमा भारतीय दूतावास जोडिएको छ । यसैअन्तर्गत आज किशोरकिशोरीहरुले भारतीय दूतावासबाट Deputy Chief in Mission नामग्या सी खाम्पासँग अन्तरक्रिया गर्ने मौका प्राप्त गरेका थिए । खाम्पाले समाजमा सकारात्मक परिवर्तन ल्याउन युवाको योगदानकोबारे विश्लेषण गरिन् ।

उनले युवाहरुको नेतृत्व, आविष्कार, सीप आदिसहित हाम्रो समाज को वर्तमान स्थिति को नवीकरण र ताजा गर्न को लागि युवाहरुको भूमिका भएको कुरा साझा गरिन् । टेक्नोलोजी शक्तिको नयाँ मुद्राको रूपमा विकसित भएको र युवाहरुले टेक्नोलोजीबाट धेरै नयाँ कार्य अगाडि बढाउन सक्ने सम्भावना रहेको कुरामा उनले प्रकाश पारिन् । किशोरकिशोरीहरुको प्रश्नको उत्तर दिदै उनले भविष्यलाई सफल बनाउन धेरै मेहेनत गर्नु पर्ने तथा आफ्नो कार्यलाई अझै विकास गरेर समाज रुपान्तरनतर्फ उन्मुख हुन पनि प्रेरणा दिइन् । अन्तत ग्लोकलसँग भारतीय दूतावाससँगको साझेदारीले अवसरको नयाँ आयाम सिर्जना गर्ने कुरामा सकारात्मक रहेको आयोजकले बताए ।