युनिलिभर नेपाल लिमिटेडले कोरोना महामारीको दोस्रो विनाशकारी समयमा आफ्नो ग्लोबल आपूर्ति शाखाका नेटवर्कलाई सक्रिय गरी स्वास्थ्य सामाग्री संकलन गरेको छ । मेडिकल तथा आपतकालिन उपकरणहरु, जिल्ला प्रसाशन कार्यालय हेटौंडा, स्वास्थ्य तथा जनसंख्या मन्त्रालय, वीरेन्द्र अस्पताल छाउनी र नेपाल उद्योग वाणिज्य महासंघमार्फत स्वास्थ्य सामाग्री सहयोग गरेको हो ।

अक्सिजन कन्सनट्रेटर्स १२८, एन–९५ माक्स १५००, सर्जिकल ग्लोभ्स ३४००, सु कभर २०००, वर्किङ क्याप २००० र मेडिकल गग्गल २०० पिस सहयोग गरेको हो । विश्वका विभिन्न युनिलिभर व्यवसाय तथा अन्तर्राष्ट्रिय युनिलिभरद्वारा, तत्काल आवश्यकता परेको स्थानहरुमा अक्सिजन कन्सनट्रेटर्सको  योगदान गरिएको छ । मेडिकल क्षेत्रमा अग्र स्थानमा रहि आफ्नो ज्यान जोखिममा राखेर काम गर्ने मेडिकल कर्मचारीलाई भाइरसबाट बच्न सामाग्रीहरु हस्तान्तरण गरेको जनाएको छ । स्वास्थ्य तथा जनसंख्या मन्त्रालयको तर्फबाट मुख्य विशेषज्ञ डा.रोशन पोखरेलले युनिलिभर नेपाल लि.लाई कृतज्ञता व्यक्त गरी पत्र लेख्दै, भविष्यमा पनि भाइरस रोकथाममा लड्नका लागि थप सहयोगको अपेक्षा जनाए ।

उपकरण हस्तान्तरण समारोहको समयमा, युनिलिभर नेपाल लि.का प्रबन्ध निर्देशक अम्लान मुखर्जीले भने, ‘हाम्रो बुझाईमा वर्तमान समयमा, कोभिडको सिकिस्त केसहरुलाई निरन्तर अक्स्जिनको सप्लाई पुग्ने तरिकाले मेडिकल पूर्वाधारको भार कम गर्नुपर्छ । यस्को निम्ति अरु रोगका उपचारका लागि अक्सिजन थेरापीको उपकरणहरु पर्याप्त मात्रामा हुनुपर्छ ।’