काठमाडौं । नेपालको दुई दिने भ्रमण पूरा गरी  भएको छ । अर्थमन्त्री डा. युवराज खतिवडाले त्रिभुवन अन्तर्राष्ट्रिय विमानस्थलमा पुगेर बिदाई गरेका थिए । 

स्वदेश फर्कनुअघि पाकिस्तानी प्रधानमन्त्री अब्बासीले राष्ट्रपति विद्यादेवी भण्डारीसँग शिष्टाचार भेटवार्ता गरेका थिए । र उहाँहरुबीच दुई मुलुकबीचको सम्बन्ध र सहयोग विस्तार लगायतका विषयमा छलफल भएको बताइएको छ ।
यसअघि पाकिस्तानी प्रधानमन्त्री अब्बासी र नेकपा माओवादी केन्द्रका अध्यक्ष पुष्पकमल दाहालबीच भेटवार्ता भएको थियो । होटल हयातमा भएको भेटमा नेपाल र पाकिस्तानबीचको दुईपक्षीय सम्बन्धका विषयमा छलफल भएको बताइएको छ । भेटपछि सञ्चारकर्मीहरुसँग संक्षिप्त कुरा गर्दै दाहालले दुई देशबीचको सम्बन्ध र आपसी चासोका विषयमा छलफल भएको बताए । दुई पक्षीय एवं बहुपक्षीय विषयमा छलफल हुँदा दक्षिण एशियाली क्षेत्रीय सहयोग संगठन (सार्क) लाई गतिशील बनाउन सबै सदस्य राष्ट्रले पहल गर्नुपर्नेमा जोड दिइएको उहाँको भनाइ थियो । हिजो अपराह्न काठमाडौं आएका अब्बासीले प्रधानमन्त्री केपी ओलीलाई प्रधानमन्त्रीमा निर्वाचित हुनुभएको भनाई दिँदै दुई पक्षीय हितका विषयमा छलफल गरेका थिए । उहाँहरुबीच सार्क शिखर सम्मेलनलगायतका विषयमा पनि छलफल भएको थियो ।

प्रकाशित समय : १९:३६ बजे