काठमाण्डु– प्रधानमन्त्री बालेन शाह (बालेन) ले आफू कालो चश्मा लगाएरै प्रतिनिधिसभा बैठकमा उपस्थित हुने...

पुरा पढ्नुहाेस्

global ime bank Long Banner Ad

काठमाडौंका ३४२ ठेकेदार कम्पनीमाथि कारबाहीको तयारी

13.15K
shares

काठमाडौं– निर्माणको जिम्मा लिएर समयमा काम सम्पन्न नगर्ने ३४२ ठेकेदार कम्पनीलाई गृह मन्त्रालयले कारबाही प्रक्रिया अघि बढाएको छ । काठमाडौंका साना–ठूला आयोजना जिम्मा लिएका ५१० ठेकदारमध्ये समयमै काम सम्पन्न नगर्ने ३४२ ठेकेदार कम्पनीलाई गृहको निर्देशनअनुसार काठमाडौं जिल्ला प्रशासन कार्यालयले कारबाही प्रक्रिया अघि बढाएको हो ।
सडक, पुल, भवनलगायतका पूर्वाधार निर्माणको जिम्मा पाएका ठेकेदार कम्पनीले काममा लापर्बाही गर्ने र वर्षौंसम्म सम्पन्न नगर्नेजस्ता समस्या देखिएपछि गृहले सम्बन्धित जिल्ला प्रशासन कार्यालयलाई ढिलासुस्ती गर्ने ठेकेदारको सूची तयार गर्न निर्देशन दिएको थियो । गृहमन्त्री रामबहादुर थापा ‘बादल’ले समयमा आयोजना सम्पन्न नगर्ने कम्पनीसँगको सम्झौता रद्द गर्ने, बैंक खाता बन्द गर्ने, नयाँ ठेक्कामा प्रतिबन्ध लगाउने र जेल हाल्नेसम्मको निर्देशन दिएको काठमाडौं जिल्ला प्रशासन कार्यालयले जनाएको छ ।
अधिकांश ठेकेदार कम्पनीले तोकिएको अवधिमा २५ प्रतिशतभन्दा कम काम सम्पन्न गरेको पाइएको छ भने केहीले कामै सुरु गरेका छैनन् । गोरखा एप्रोप्रिएट टेक्नोलोजी फर रिकन्स्ट्रक्सन प्रालिले ठेक्का जिम्मा लिएका उपत्यका सहरी सडक (प्याकेज ५०, ५९, ६०, ६१, ६५, ७१) अन्तर्गत सडक निर्माण/सुधार कार्यको प्रगति शून्य छ । त्यस्तै, रानीवन कन्स्ट्रक्सन, बाइसधारा निर्माण सेवा, जागृत निर्माण सेवा, इभांशु–इशा विल्डर्स, वि.कन. कं प्रालि, लुना निर्माण सेवा, रोस्लिन कन्स्ट्रक्सन प्रालिलगायतले जिम्मा लिएका अधिकांश आयोजनाको प्रगति शून्य छ ।
ठेकेदार कम्पनीहरुले भने कतै स्थानीयको अवरोध र कतै निर्माण सामग्रीको अभावमा समयमा काम सम्पन्न हुन नसकेको बताउँदै आयोजनाको अवधि थप गराउँदै आएका छन् । समयमै काम नसक्ने ठेकेदारमा ‘ए’, ‘बी’, ‘सी’ र ‘डी’ सबै ग्रेडका छन् । अधिकांश ठेकेदार कम्पनीले राजनीतिक पहुँचका आडमा निर्माणमा लापर्बाही गर्ने गरेका छन् ।