काठमाण्डु– प्रधानमन्त्री बालेन शाह (बालेन) ले आफू कालो चश्मा लगाएरै प्रतिनिधिसभा बैठकमा उपस्थित हुने...

पुरा पढ्नुहाेस्

global ime bank Long Banner Ad

अन्नपूर्ण ब्याडमिन्टन प्रतियोगिता छनोट सुरु

24.95K
shares

कर्णालीको राजधानी सुर्खेतमा अन्नपूर्ण ब्याडमिन्टन प्रतियोगिता २०१८ को छनोट कार्य सुरु भएको छ । अन्नपूर्ण मिडिया नेटवर्कको आयोजनामा भएको छनोट मंगलबारसम्म चल्नेछ । प्रतियोगितामा कर्णालीका १० मध्ये सात जिल्लाका खेलाडी सहभागी छन् ।
दैलेख, सुर्खेत, जाजरकोट, जुम्ला, रुकुम, सल्यान र हुम्लाका एक सय २८ जना खेलाडी छनौट प्रतियोगितामा भाग लिएका छन् । तीन वर्षदेखि सञ्चालन हुँदै आएको प्रतियोगिता देश संघीयतामा गएपछि भने पहिलोपटक हुन लागेको हो । छनोट प्रतियोगितामा पुरुष युगल ३९ र एकल २२ खेल हुनेछन् । यस्तै, मिक्स (महिला र पुरुष) युगल चार, १९ वर्षमुनिका पुरुष १२, महिला चार र महिला एकल चार खेल हुनेछन् । छनौट प्रतियोगिताबाट छानिएका १६ खेलाडी साउन ७ गतेदेखि १२ गतेसम्म काठमाडौंमा हुने इन्टरनेसनल ब्याटमिन्टन प्रतियोगितामा भाग लिन पाउनेछन् ।
प्रतियोगीताको छनौटको उद्घाटन गर्दै सामाजिक विकासमन्त्री दल रावलले अनुशासित र स्वस्थ समाज निर्माणका लागि खेलकुद आवश्यक रहेको बताए । कर्णाली प्रदेशमा प्रदेश स्तरीय रंगशाला निर्माणको प्रक्रिया अघि बढिसकेको पनि उनले जानकारी दिए ।