काठमाण्डु– प्रधानमन्त्री बालेन शाह (बालेन) ले आफू कालो चश्मा लगाएरै प्रतिनिधिसभा बैठकमा उपस्थित हुने...

पुरा पढ्नुहाेस्

global ime bank Long Banner Ad

नेपाल कम्युनिस्ट पार्टी (नेकपा) पूर्वएमाले शैलीमा चल्ने

12.26K
shares

काठमाडौं– तत्कालीन एमाले र माओवादी केन्द्र एकीकरण भर्इ बनेको नेपाल कम्युनिस्ट पार्टी (नेकपा) तत्कालीन एमाले शैलीमा चल्ने भएको छ । तत्कालीन माओवादीमा विभाग तथा अन्य संयन्त्र सञ्चालनको विधि स्थापित नभएकाले तत्कालीन एमालेले स्थापित गरेको अभ्यासका आधारमा नेकपा सञ्चालन गर्न लागिएको हो ।

नेकपाले तल्ला कमिटीको एकीकरण प्रक्रिया पनि अघि बढाएको छ । नेकपाले सातै प्रदेशमा कार्यदल बनाएर प्रारम्भिक प्रक्रिया सुरु गरेको हो । सात प्रदेशमध्ये तत्कालीन एमालेले चार र माओवादीले तीन प्रदेशको मुख्य नेतृत्व पाउने गरी तल्ला कमिटीको एकीकरण अघि बढाउन शीर्ष नेतृत्व सहमत भएका छन् ।

७७ जिल्ला कमिटीमध्ये तत्कालीन माओवादी पक्षले कम्तीमा ३० जिल्लामा अध्यक्ष पाउनुपर्ने अनौपचारिक प्रस्ताव राखेको बताइएको छ । यद्यपि जिल्ला कमिटी एकीकरण गर्दा भागबण्डाका आधारमा नभई आवश्यकता, जनमत, नेताको वरिष्ठतालार्इ आधार बनाइने नेतृ पम्फा भुसालले जानकारी दिइन् ।

नेकपाका प्रदेश, जिल्ला, निर्वाचन क्षेत्र, स्थानीय तह र वडा तथा प्रारम्भिक कमिटीमा अध्यक्ष र सचिव दुईमात्र पद रहनेछन् । तत्कालीन एमाले पक्षले अध्यक्ष पाएको ठाउँमा सचिव तत्कालीन माओवादी पक्षले पाउने र तत्कालीन माओवादी पक्षले अध्यक्ष पाएको ठाउँमा तत्कालीन एमाले पक्षले सचिव पाउने समझदारी नेताहरूबीच भइसकेको छ ।

स्थायी कमिटीका ४५ सदस्यमध्येबाट सात प्रदेशका अध्यक्ष र बढीमा ३५ विभागका प्रमुख चयन हुने सम्भावना छ । कतिपय विभागका प्रमुख पोलिट्ब्युरो सदस्य पनि हुन सक्नेछन् । नेकपाको पोलिट्ब्युरो कमिटी १ सय ३५ सदस्यीय बनाउन सिफारिस गरिएको छ ।

४ सय ४१ सदस्यीय केन्द्रीय कमिटीका सबै सदस्यलाई जिम्मेवारी दिने गरी नियमावली मस्यौदा बनेको छ । नेकपाका २२ वटा जनवर्गीय संगठन निर्क्योल भइसकेका छन् । ती सबै जनसंगठनमा इन्चार्ज र सहइन्चार्ज रहनेछन् । यसअघि तत्कालीन माओवादीको जनसंगठनका रुपमा रहेका पूर्वजनमुक्ति सेना संगठन, बेपत्ता परिवार समाज, सहिद प्रतिष्ठान, घाइते तथा अपांग संघ जस्ता कमिटी अब जनसंगठनका रुपमा रहने छैनन् ।