काठमाण्डु– प्रधानमन्त्री बालेन शाह (बालेन) ले आफू कालो चश्मा लगाएरै प्रतिनिधिसभा बैठकमा उपस्थित हुने...

पुरा पढ्नुहाेस्

global ime bank Long Banner Ad

सगरमाथामा अवैध स्की खेल्ने दुई अमेरिकीलाई कारबाही

12.35K
shares

काठमाडौं– सगरमाथा आरोहणका क्रममा अवैधरुपमा स्की खेलेको भन्दै सगरमाथा आरोही गुइलेरमो वेनेसस र माथेअ मोनिजलाई पर्यटन विभागले कारबाही गरेको छ । अनुमतिबिना क्याम्प ३ देखि २ सम्म स्की खेल्ने अमेरिकी आरोहीलाई १० हजार रुपैयाँ नगद जरिवाना गरिएको हो । उनीहरुबाट जनही एक हजार अमेरिकी डलर स्की शुल्कसमेत असुल गरिएको विभागले जनाएको छ ।

आरोहणको क्रममा अवैधरुपमा स्की खेल्ने अमेरिकीलाई सहयोग गर्ने आरोहण दल पठाउने कम्पनी हाइअल्टिच्युट ड्रिम प्रालिलाई विभागले ५० हजार नगद जरिवाना गरेको छ । विभागका सूचना अधिकारी रामप्रसाद सापकोटाका अनुसार आरोहण दलका सम्पर्क अधिकृत प्रतिलिपि रजिस्टार कार्यालयका नायब सुब्बा दीपक दाहाललाई विभागीय कारबाही गर्न सम्बन्धित कार्यालयमा पत्रचार गरिएको छ ।

अबैध रुपमा स्की खेल्ने सामग्रीसहित हिमाल आरोहणका लागि आधार शिविर पुगेका उनीहरुलाई राज्यका निकायले रोक्ने पहल गरेनन् । त्यहाँबाट क्याम्प ३ सम्म पुग्दा पनि सम्पर्क अधिकृत, आरोहण दलका सरदार लोप्साङ शेर्पा र एजेन्सीले समेत विभागलाई जानकारी नदिएकाले कारबाही गरिएको जनाइएको छ ।

अवैध स्की खेल्ने गुइलेरमो वेनेसस र माथेअ मोनिजलाई विभागले सगरमाथा आरोहण गरे पनि प्रमाणपत्र नदिने निर्णय गरेको छ । यसअघि पनि सगरमाथा आरोहण गरेको नक्कली कागजात पेस गर्ने भारतीय दम्पती दिनेश राथोड र ताराकेश्वरी राथोडलाई विभागले १० वर्ष नेपाल प्रवेशमा रोक लगाएको थियो ।

(तस्बिर गुगल)