प्रधानमन्त्री केपी शर्मा ओलीले जनता भोकै बस्नु नपर्ने भाषण गर्दै आएका छन् । तर सरकारले आगामी आर्थिक बर्ष २०७५/०७६ का लागि बजेट ल्याएसँगै जनताको ढाड सेक्नेगरि उपभोग्य बस्तुको भाउ बढेको छ । उपभोग्य बस्तुमा २० प्रतिशतसम्म मूल्यवृद्धि भएको छ ।

बजेट भाषणपछि दाल, चामल, तरकारी लगायतका उपभोग्य बस्तुको भाउ आकासिएको छ । व्यवसायीले उपभोग्य बस्तुको कृतिम अभाव सृजना गरेका छन् । तर, कृतिम अभाव सृजना गर्ने व्यवसायीलाई सरकारले कारर्बाही गर्न सकेको छैन । उपभोक्ताले दैनिक उपभोग्य बस्तु सहज रुपमा पाउन सकेकका छैनन् । बजार भाउ बढ्दा समेत सरकारले अनुगमन र नियमणमा चासो नदिएको उपभोक्ताको गुनासो छ ।

सरकाले सुशासन, भ्रष्टाचार, कालोबजारी नियन्त्रण गर्ने मुख्य प्राथमिकतामा राखेपनि व्यवहारमा कार्यान्वयन गर्न सकेको छैन । एकातिर प्रधानमन्त्री जनता भोकै बस्नु नपर्ने भाषण गर्दै हिड्ने अर्कोतिर महंगीले गरिब जनातको घरका चुल्हो बल्न नसक्ने अवस्था आएको छ । तत्काल बजार अनुगमन गरेर मूल्यवृद्धि र कृतिम अभाव सृजना गर्ने व्यवसायीलाई कानुनी दायरामा ल्याउन उपभोक्ताको माग छ ।

प्रकाशित समय : १५:०८ बजे