काठमाण्डु– प्रधानमन्त्री बालेन शाह (बालेन) ले आफू कालो चश्मा लगाएरै प्रतिनिधिसभा बैठकमा उपस्थित हुने...

पुरा पढ्नुहाेस्

global ime bank Long Banner Ad

बाल यौन दुराचारमा संलग्न दुर्इ फ्रान्सेली नागरिक पक्राउ

14.53K
shares

 

बाल यौन दुराचारमा संलग्न दुर्इ जना फ्रान्सेली नागरिक पक्राउ परेका छन् । नेपाल प्रहरीको केन्द्रीय अनुसन्धान ब्युरोले ३८ वर्षीय मिचेल चुपाऊ र ४२ वर्षीय क्रिस्टोफे ग्योलक्सलाई शुक्रबार विमानस्थल जाने क्रममा गौशालाबाट पक्राउ गरेको हो ।

काठमाडौंको कागेश्वरी-मनहरा नगरपालिका भद्रबासस्थित एक घरमा डेरा गरी बसेका उनीहरु २२ दिनको निगरानीबाट बाल यौन दुराचारी भएको पुष्टि भएपछि पक्राउ गरिएको ब्युरोका निर्देशक प्रहरी नायब महानिरीक्षक नारायणसिंह खड्काले जानकारी दिए । प्रहरीले निगरानी बढाएको पत्तो पाएपछि उनीहरु भाग्ने क्रममा पक्राउ परेको ब्युरोले मंगलबार पत्रकार सम्मेलन गरी जानकारी गराएको छ ।

प्रहरीका अनुसार १० देखि १४ वर्षका बालकलाई फुटबल, चक्लेट र स्पोर्टस ड्रेस किनिदिने, खाजा र खाना खुवाउने जस्ता काम गरेर पालैपालो यौन दुर्व्यवहार गरेको ब्युरोले जनाएको छ । पीडितहरुले दिएको उजुरीका आधारमा उनीहरुलाई काठमाडौं जिल्ला अदालतमा मुद्दा दर्ता गरी कारबाही प्रक्रिया अघि बढाएको ब्युरोका निर्देशक खड्काले जानकारी दिए ।