काठमाण्डु– प्रधानमन्त्री बालेन शाह (बालेन) ले आफू कालो चश्मा लगाएरै प्रतिनिधिसभा बैठकमा उपस्थित हुने...

पुरा पढ्नुहाेस्

global ime bank Long Banner Ad

मोरङमा ५५ हजार सवारीसाधन कारबाहीमा

14.91K
shares

प्रदेश १ को अस्थायी राजधानी रहेको मोरङ जिल्लामा आर्थिक वर्ष २०७४/७५ मा सवारी साधनमाथि गरिएको ट्राफिक कारबाहीबाट करिब साढे ३ करोड रुपैयाँ राजस्व संकलन भएको छ । आर्थिक वर्ष २०७४/०७५ मा ५४ हजार ९ सय १६ वटा सवारी साधनमाथि गरिएको ट्राफिक कारबाहीबाट ३ करोड ४१ हजार ५ सय रुपैयाँ राजस्व संकलन भएको हो ।

नियमविपरीत सवारी चलाउनेहरुबाट उक्त राजस्व संकलन भएको जिल्ला ट्राफिक प्रहरी कार्यालय मोरङका प्रमुख प्रहरी निरीक्षक शिवकुमार पोखरेलले जानकारी दिए । आर्थिक वर्ष २०७४/७५ को असार मसान्तसम्ममा गत ७ हजार ६ सय ६५ वटा ट्रकलाई कारबाही गरी ३९ लाख ४६ हजार रुपैयाँ राजस्व असुल गरिएको कार्यालयले जनाएको छ ।

जिल्ला ट्राफिक प्रहरी कार्यालय मोरङका अनुसार चार हजार २२ वटा बसलाई कारबाही गरी १९ लाख १ हजार ५ सय रुपैयाँ, ११ हजार ५ सय ४७ कार/जिप/भ्यानलाई कारबाही गरी ५९ लाख १३ हजार ५ सय रुपैयाँ राजस्व असुल गरिएको छ ।

त्यसैगरी, गत आर्थिक वर्षको सोही अवधिमा ५ हजार ४ सय ४२ ट्रयाक्टरलाई ट्राफिक नियम उल्लंघन गरेबापत कारबाही गरी २७ लाख ७६ हजार ५ सय रुपैयाँ राजस्व संकलन गरिएको कार्यालयले जनाएको छ ।

सो अवधिमा १९ हजार ७ सय ९७ मोटरसाइकल कारबाहीमा परेका छन् । जसबाट एक करोड २१ लाख ८ हजार रुपैयाँ असुली भएको छ । त्यस्तै, ट्राफिक नियम मिच्ने ६ हजार ३ सय ४३ ट्याम्पोलाई कारबाही गर्दा ३१ लाख ९६ हजार रुपैयाँ राजस्व संकलन भएको प्रहरी निरीक्षक पोखरेलले जानकारी दिए ।