उदयपुर कटारी नगरपालिकाका लेखा अधिकृत रविनचन्द्र ढकाल भ्रष्टाचार अभियोगमा जेल चलान भएका छन् । सात करोड भ्रष्टाचार गरेको अभियोगमा विशेष अदालतले अधिकृत ढकाललाई जेल चलान गरेको हो ।
विशेष अदालतका न्यायाधीश चण्डीराज ढकाल, प्रमोदकुमार श्रेष्ठ वैद्य र नारायणप्रसाद पोखरेलको इजलासले ढकाललाई पुर्पक्षका लागि थुनामा राख्न आदेश दिएको हो । लेखा अधिकृत ढकालले सात करोड भ्रष्टाचार गरेको भन्दै अख्तियार दुरुपयोग अनुसन्धान आयोगले मुद्दा दायर गरेको थियो ।
विशेष अदालतले इलामको माई नगरपालिकाका प्रमुख प्रशासकीय अधिकृत कालीदास ढकाललाई भने धौरीटीमा छाड्न आदेश दिएको छ । उनलाई १५ लाख धरौटीमा तारेखमा छाड्न अदालतले आदेश दिएको हो ।

प्रकाशित समय : १४:५२ बजे