जलवायु प्रतिबद्धता कार्यान्वयनमा लैजान राष्ट्रसंघको जोड
अदालतको आदेशपछि आरोपी छविलाल पौडेल रिहा
वि.सं.२०७५ भदौ २५ सोमवार १४:५३
13.34K
shares
shares
गोरखाका फुजेलका कृष्ण अधिकारी हत्या प्रकरणका आरोपी छविलाल पौडेल रिहा भएका छन् । चितवन जिल्ला अदालतको आदेशपछि डिल्लीबजार कारागारमा रहेका उनी सोमबार बिहान रिहा भएका हुन् । रिहा भएलगत्तै आफन्तले पौडेललाई माला लगाएर र बाजा बजाएर स्वागत गरेका थिए ।
रिहाइपछि संक्षिप्त प्रतिक्रिया दिँदै पौडेलले पीडित परिवारले घटनाबारे नबुझेर आफूविरुद्ध उजुरी हालेको बताएका छन् । उजुरी हाल्नेलाई पछि पछुतो हुने बताउँदै उनले सत्य कुरा बुझ्न पीडित परिवारलाई आग्रह गरे ।
कृष्णको तत्कालिन माओवादीले हत्या गरेको भन्दै दोषीलाई कारबाहीको माग गर्दै नन्दप्रसाद अधिकारी र गंगामाया अनशनमा बसेका थिए । अनशनकै क्रममा नन्दप्रसादको मृत्यु भएको थियो भने गंगामायाल अनशन नतोडेकी छिन् ।
कृष्णको २०६१ साल जेठमा चितवनमा हत्या भएको थियो । सो घटनाका १२ जनलाई आइतबार चितवन जिल्ला अदालतले सफाइ दिएको थियो ।
