गणेशमान सिंह अध्ययन प्रतिष्ठानले संस्थालाई सहयोग गर्ने जेष्ठ नागरिकलाई सम्मान गरेको छ । प्रतिष्ठानको १६औं वार्षिक सभाका अवसरमा संस्थालाई स्थापनाकालदेखि निरन्तर सहयोग पु¥याउँदै आएका ८० वर्षभन्दा बढी उमेरका तीन जनालाई सम्मान गरिएको हो ।

कार्यक्रममा प्रतिष्ठानका सचिव डा. भुपेन्द्र बस्नेतले ‘सम्मुनत नेपाल र सम्पन्न नागरिक’ भन्ने नाराका साथ आफूहरु अघि बढेको बताए । वार्षिक प्रतिवेदन र आगामी लक्ष्यबारे जानकारी गराउँदै उनले भने, ‘गणेशमान सिंह एक सच्चा देशभक्त र लोकतन्त्रका लागि सधैं लडिरहने योद्धा हुन्, उहाँको राष्ट्रप्रतिको योगदान अविस्मरणीय छ, उहाँकै मार्गदर्शनअनुसार हामी अघि बढ्छौं ।’

नेपालमा रहेको गरिबीलाई सन् २०३० सम्ममा ३ प्रतिशतभन्दा कम गर्ने र देशमा दिगो आर्थिक वृद्धि गर्ने लक्ष्यका साथ आफूहरु लागिपरेको प्रतिष्ठानका सचिव बस्नेतले बताए । राष्ट्रको विकासका लागि युवामा राष्ट्रिय एकताको चेतना विकास गर्नु र नेपालीको शिक्षा र आवास हक अधिकारका लागि योगदान पु¥याउनु प्रतिष्ठानको मुख्य उद्देश्य भएको उनको भनाइ छ । मुलुकमा गरिबी, अशिक्षा, भोकमारी, विकृति र राजनीतिक अस्थिरतालाई निर्मुल पार्ने लक्ष्य लिएर २०५२ सालमा गणेशमान प्रतिष्ठान स्थापना भएको हो ।

प्रकाशित समय : ००:५३ बजे